ગુરુવારે નવી દિલ્હીમાં રાષ્ટ્રપતિ ભવનના પ્રાંગણમાં જાપાનના પ્રધાનમંત્રી સનાએ તાકાઈચીનું ઔપચારિક સ્વાગત કરવામાં આવ્યું. જાપાનના પ્રધાનમંત્રીને ઔપચારિક ગાર્ડ ઓફ ઓનર પણ આપવામાં આવ્યું. સ્વાગત સમારોહ દરમિયાન, પ્રધાનમંત્રી નરેન્દ્ર મોદીએ જાપાનના પ્રધાનમંત્રીનો તેમના કેબિનેટ સાથીદારો અને અન્ય મહાનુભાવો સાથે પરિચય કરાવ્યો.
રાજ્યપાલએ પ્રાકૃતિક કૃષિ અંગે માર્ગદર્શન આપતાં જણાવ્યું હતું કે, પ્રાકૃતિક ખેતી માત્ર કૃષિ પદ્ધતિ નહીં, પરંતુ માનવ આરોગ્ય, પર્યાવરણ સંરક્ષણ, જમીનની ફળદ્રુપતા અને આવનારી પેઢીના સુરક્ષિત ભવિષ્ય સાથે જોડાયેલું રાષ્ટ્રીય અભિયાન છે. રાસાયણિક ખાતરો અને જંતુનાશકોના વધુ પડતા ઉપયોગથી જમીન, પાણી, હવા અને ખાદ્યપદાર્થો પ્રદૂષિત બન્યા છે, જેના કારણે ગંભીર બીમારીઓમાં વધારો થયો છે તેમજ દેશને દર વર્ષે રાસાયણિક ખાતરોની આયાત અને આરોગ્ય સેવાઓ પાછળ કરોડો રૂપિયાનો ખર્ચ કરવો પડે છે. પ્રાકૃતિક ખેતીનો વ્યાપ વધે તો આ ખર્ચમાં નોંધપાત્ર ઘટાડો કરી દેશના સર્વાંગી વિકાસને નવી ગતિ આપી શકાય.
રાજ્યમાં ફોરેન્સિક વિજ્ઞાનનો વ્યાપ વધે તે માટે ગુજરાતના તત્કાલીન મુખ્યમંત્રી અને હાલના પ્રધાનમંત્રી નરેન્દ્ર મોદીએ દીર્ઘ દ્રષ્ટિપૂર્વક ગુજરાત ફોરેન્સિક સાયન્સિઝ યુનિવર્સિટી (GSFU)ની સ્થાપના કરી હતી, જેને હવે કેન્દ્રીય યુનિવર્સિટીનો દરજ્જો આપવામાં આવ્યો છે. પોલીસ કામગીરી અને લૉ એન્ડ ઓર્ડરમાં ફોરેન્સિક વિજ્ઞાનનો વ્યાપક રીતે ઉપયોગ થાય, તે ઉદ્દેશ સાથે તેમના વિઝનરી માર્ગદર્શનમાં આ ક્ષેત્રે નોંધપાત્ર કામગીરી કરવામાં આવી છે.
સરતાનપર ખાતે પ્રાકૃતિક કૃષિ પરિસંવાદ પૂર્ણ થયા બાદ રાજ્યપાલ આચાર્ય દેવવ્રતએ ભાવનગર તાલુકાના સી.આર.પી. અને કૃષિ સખીઓ સાથે આત્મીય અને પ્રેરણાદાયી સંવાદ સાધ્યો હતો.
તેમણે જણાવ્યું હતું કે, પ્રાકૃતિક ખેતીનો પ્રચાર-પ્રસાર એ માત્ર સોંપાયેલી જવાબદારી નહીં, પરંતુ સમાજને નિરોગી, ઝેરમુક્ત અને સમૃદ્ધ બનાવવાનું ઈશ્વરીય તથા પુણ્યનું કાર્ય છે. તેમણે સૌને સેવા, સમર્પણ અને નિષ્ઠાના ભાવ સાથે વધુમાં વધુ ખેડૂતો સુધી પ્રાકૃતિક ખેતીનો સંદેશ પહોંચાડવા આહ્વાન કર્યું હતું.
રાજ્યમાં મહિલાઓ અને બાળકો ન માત્ર રસ્તાઓ પર સુરક્ષા અનુભવે પણ ઓનલાઇન અને સાયબરસ્પેશ પર પણ સુરક્ષાનો અનુભવ કરે તે માટે ગુજરાત પોલીસે રાજ્યભરમાં 28 દિવસીય અભિયાન 'ઓપરેશન સુરક્ષિત સાયબરસ્પેસ' શરૂ કર્યું છે, જેનો ઉદ્દેશ્ય સમગ્ર રાજ્યમાં સુરક્ષિત ડિજિટલ ઇકોસિસ્ટમ બનાવવાનો છે.
1 જુલાઈથી 28 જુલાઈ, 2026 સુધી ચાલનારા આ અભિયાનનો હેતુ સામુદાયિક જોડાણ, ટેક્નોલોજી આધારિત દેખરેખ, પીડિતો સુધી પહોંચ, સાયબર જાગૃતિ અને ઝડપી કાનૂની કાર્યવાહી દ્વારા મહિલાઓ અને બાળકોને સાયબર ક્રાઇમથી બચાવવાનો છે.
ભારતીય ક્રિકેટ ટીમના વિકેટકીપર-બેટ્સમેન ઇશાન કિશન બુધવારે જાહેર થયેલા ICC T20 બેટિંગ રેન્કિંગમાં ટોચના સ્થાને પહોંચી ગયો છે. ઇશાને અભિષેક શર્માને પાછળ છોડી દીધો છે, જે લગભગ એક વર્ષ સુધી નંબર વન સ્થાન પર રહ્યા હતા.
ઇશાન કિશન T20 ફોર્મેટમાં પાછા ફર્યા બાદ સતત સારું પ્રદર્શન કરી રહ્યો છે. ન્યુઝીલેન્ડ T20 શ્રેણી અને T20 વર્લ્ડ કપમાં મજબૂત પ્રદર્શનના કારણે ઇશાન નંબર વન T20 બેટ્સમેન બન્યો છે.
અભિષેક શર્મા T20 રેન્કિંગમાં બીજા સ્થાને પહોંચી ગયો છે. પાકિસ્તાનનો સાહિબજાદા ફરહાન ત્રીજા, ઇંગ્લેન્ડનો ફિલ સોલ્ટ ચોથા, શ્રીલંકાનો પથુમ નિસાન્કા પાંચમા અને ભારતનો તિલક વર્મા છઠ્ઠા સ્થાને છે.
પ્રધાનમંત્રી નરેન્દ્ર મોદીની અધ્યક્ષતામાં આર્થિક બાબતોની કેબિનેટ સમિતિ (CCEA) એ ઉત્તર પ્રદેશમાં કાનપુર-કબરઈ સેક્શન (NH-34) ને 4/6 લેન એક્સેસ કંટ્રોલ્ડ હાઇવે તરીકે વિકસાવવાની મંજૂરી આપી છે. આ પ્રોજેક્ટનો કુલ ખર્ચ ₹7,145.14 કરોડ હશે.
આ 117.7 કિલોમીટર લાંબો ગ્રીનફિલ્ડ હાઇવે નેશનલ હાઇવે ઓથોરિટી ઓફ ઇન્ડિયા દ્વારા બીઓટી (ટોલ) મોડેલ પર બનાવવામાં આવશે. આ પ્રોજેક્ટ ભોપાલ-કાનપુર ઇકોનોમિક કોરિડોરનો મુખ્ય ભાગ હશે.
દેશભરના હાઇવે પર FASTag વાર્ષિક પાસનો ઉપયોગ ઝડપથી વધી રહ્યો છે. રિઝર્વ બેંક ઓફ ઇન્ડિયા (RBI)ના ડેટા અનુસાર, FASTag વાર્ષિક પાસ હવે કુલ ટોલ પાસ ટ્રાફિકમાં 19 ટકા હિસ્સો ધરાવે છે. આ છેલ્લા છ મહિનામાં આશરે 6 ટકાનો વધારો દર્શાવે છે, જે ડિસેમ્બર 2025 માં આશરે 13 ટકા હતો.
માહિતી અનુસાર, જૂન 2026 માં દેશભરના ટોલ પ્લાઝા પર કુલ 444 મિલિયન વાહનોની મુસાફરી નોંધાઈ હતી. આમાંથી 84 મિલિયન મુસાફરી વાર્ષિક પાસનો ઉપયોગ કરીને કરવામાં આવી હતી.
પ્રધાનમંત્રી નરેન્દ્ર મોદીએ રાષ્ટ્રીય ડોક્ટર દિવસ નિમિત્તે વેનેઝુએલામાં સેવા આપતા ભારતીય ડોક્ટરો અને આરોગ્યસંભાળ કાર્યકરોની પ્રશંસા કરી હતી. તેમણે કહ્યું હતું કે ઓપરેશન એમિસ્ટાડ હેઠળ પડકારજનક પરિસ્થિતિઓમાં જરૂરિયાતમંદ લોકોની સેવા કરી રહેલા ભારતીય તબીબી વ્યાવસાયિકો દેશ માટે ગૌરવ લાવી રહ્યા છે.
વડોદરા ખાતે આજથી શરૂ થયેલી 'વાયબ્રન્ટ ગુજરાત રિજનલ કોન્ફરન્સ-સેન્ટ્રલ ગુજરાત' દરમિયાન અમદાવાદ શહેરના ભાવિ લોજિસ્ટિક્સ વિકાસ માટે તૈયાર કરવામાં આવેલા 'અમદાવાદ સિટી લોજિસ્ટિક્સ પ્લાન' (સીએલપી) પુસ્તકનું વિમોચન કેન્દ્રીય કેબિનેટ મંત્રી મનોહરલાલ ખટ્ટર દ્વારા કરવામાં આવ્યું હતું. આ પ્રસંગે અમદાવાદના મેયર હિતેશ બારોટ તેમજ અમદાવાદ મ્યુનિસિપલ કોર્પોરેશનના સ્ટેન્ડિંગ કમિટીના ચેરમેન કમલેશ પટેલ, ધારાસભ્યઓ તથા AMCના ડેપ્યુટી મ્યુનિસિપલ કમિશનર દિનેશ ગુરવ સહિતના પદાધિકારીઓ ઉપસ્થિત રહ્યા હતા.
