અમેરિકાના રાષ્ટ્રપતિ ડોનાલ્ડ ટ્રમ્પે યુક્રેનને સૈન્ય સહાયતા સ્થગિત કરી દીધી છે. વ્હાઈટ હાઉસના એક અધિકારીએ મીડિયાને જણાવ્યું કે, રાષ્ટ્રપતિ ટ્રમ્પેની નીતિ શાંતિ પર કેન્દ્રિત છે, તેથી તેમના સહયોગીઓએ પણ આ લક્ષ્ય માટે પ્રતિબદ્ધ રહેવાની જરૂર છે. અમેરિકાએ સહાયતા રોકી છે અને તેની સમીક્ષા પણ કરી રહ્યું છે.

યુક્રેનના રાષ્ટ્રપતિ વ્લાદિમિર ઝેલેન્સ્કી અને વ્હાઈટ હાઉસમાં રાષ્ટ્રપતિ ટ્રમ્પ તથા તેમના ડેપ્યુટી વચ્ચે થયેલા જાહેર વિવાદના થોડા જ દિવસો પછી આ પગલું લેવામાં આવ્યું છે. આ ઘટનાક્રમથી યુક્રેન પર રશિયાની સાથે શાંતિ વાર્તા માટે સહમત થવા દબાણ વધવાની સંભાવના છે.

ગોધરા શહેરના પશ્ચિમ વિસ્તારમાં આવેલ સિગ્નલ ફળીયા રોડ પર બિલાલ મસ્જિદ પાસે જૂનું બાંધકામ તેમજ રહેણાંક અને વાણિજ્ય હેતુ માટે ઉપયોગમાં લેવાતી જૂની બિલ્ડિંગમાં ભીષણ આગની ઘટના બની. બિલ્ડીંગમાં આવેલ 10થી વધુ મકાન અને દુકાનો આગની ચપેટમાં આવ્યા.

કેન્દ્રીય વિદેશમંત્રી ડૉ. એસ. જયશંકર આજથી યુનાઇટેડ કિંગડમ અને આયર્લેન્ડની છ દિવસની સત્તાવાર મુલાકાતે જશે. વિદેશ મંત્રીની આ મુલાકાત યુકે અને આયર્લેન્ડ સાથે ભારતના મૈત્રીપૂર્ણ સંબંધોને નવી ગતિ આપશે.

વિદેશ મંત્રી ડૉ. એસ. જયશંકર યુકેની મુલાકાત દરમિયાન તેમના સમકક્ષ વિદેશ સચિવ ડેવિડ લેમી સાથે ચર્ચા કરશે અને અન્ય ઘણા મહાનુભાવો તેમજ ભારતીય સમુદાયના સભ્યોને મળશે.

વિદેશ મંત્રી 6 અને 7 માર્ચે આયર્લેન્ડની મુલાકાત દરમિયાન તેમના આઇરિશ સમકક્ષ સિમોન હેરિસ, અન્ય મહાનુભાવો અને ભારતીય સમુદાયના સભ્યોને મળશે.

ICC ચેમ્પિયન્સ ટ્રોફીની પહેલી સેમિફાઇનલ મેચમાં આજે ભારત અને ઓસ્ટ્રેલિયા વચ્ચે મુકાબલો. આ મેચ ભારતીય સમય મુજબ બપોરે 2.30 વાગ્યે શરૂ થશે.

બાંગ્લાદેશ અને પાકિસ્તાન સામેની જીત બાદ ભારતે પોતાની છેલ્લી લીગ મેચમાં ન્યુઝીલેન્ડને 44 રનથી હરાવ્યું. આ જીત સાથે ભારત ગ્રુપ A માં ત્રણેય મેચ જીતીને ટોચ પર પહોંચ્યું.

ઓસ્ટ્રેલિયા સ્ટીવ સ્મિથના સફળ નેતૃત્વ હેઠળ ટુર્નામેન્ટની બીજી સેમિફાઇનલમાં પહોંચ્યું.

ટુર્નામેન્ટની બીજી સેમિફાઇનલ આવતીકાલે લાહોરમાં ન્યુઝીલેન્ડ અને દક્ષિણ આફ્રિકા વચ્ચે રમાશે. ફાઇનલ મેચ રવિવારે રમાશે.

સ્થાનિક સ્વરાજ્યની ચૂંટણીનું પરિણામ જાહેર થયા બાદ ગાંધીનગરમાં મુખ્યમંત્રી નિવાસસ્થાને પ્રદેશ ભાજપ પાર્લામેન્ટરી બોર્ડની બેઠક યોજાઈ રહી છે.

આ બેઠકમાં કેન્દ્રીય મંત્રી અને ભાજપ પ્રદેશ અધ્યક્ષ સી.આર.પાટીલ ઉપસ્થિત, સ્થાનિક સ્વરાજ્યની સંસ્થાઓના પ્રમુખ, ઉપપ્રમુખ સહિતના હોદેદ્દારોની પસંદગી પર ચર્ચા કરાઈ રહી છે. નવા હોદ્દેદારોની આવતીકાલે નિમણૂક કરાશે.

ભારત અને નેપાળે ગઈકાલે નવી દિલ્હીમાં પાણી, સ્વચ્છતા વ્યવસ્થાપન અને આરોગ્ય ક્ષેત્રોમાં સહયોગ વધારવા માટે એક સમજૂતી કરાર પર હસ્તાક્ષર કર્યા.

આ કરારથી બંને દેશો વચ્ચે પાણી, સ્વચ્છતા અને આરોગ્ય ક્ષેત્રે આંતરસરકારી સહયોગને મજબૂત બનશે. કેન્દ્રીય જળ શક્તિમંત્રી સી.આર. પાટીલે જણાવ્યું હતું કે, આ MoU જાહેર આરોગ્ય અને પ્રાદેશિક સહયોગ પ્રત્યે બંને દેશોની સહિયારી પ્રતિબદ્ધતાને પ્રતિબિંબિત કરે છે. ભારત અને નેપાળ તેમના નાગરિકોના કલ્યાણ અને સારા ભવિષ્ય માટે સાથે મળીને કામ કરવા પ્રતિબદ્ધ છે.

અમરેલીના માગવાપળ ગામના પ્રગતિશીલ ખેડૂત સેવાદાસ બાપુએ મિક્સ પાકની મૂલ્યવર્ધિત પ્રાકૃતિક ખેતીથી સમૃદ્ધ ખેતીની નવી વ્યાખ્યા આપી.

ખેતીમાં વેલ્યુ એડિશનથી નહિવત ખર્ચ અને વધુ આવક મેળવી: બ્રોકલી, દેશી મરચાં, કોલર મરચાં, વટાણા, લીલું લસણ, આંબાનો પાક મલચિંગ ડ્રીપ તેમજ ગાય આધારિત પ્રાકૃતિક ખેતી કરી.

મેથી, બ્રોકલી, મૂળા, મગ, કોબી, ડુંગળી જેવા જુદા-જુદા પાકોમાં પણ ઉત્તમ ઉત્પાદન મેળવી સારી એવી કમાણી કરી રહ્યા છે. 

ઝીરો બજેટ ખેતીથી વિના ખર્ચે માતબર કમાણી કરતા અમરેલી જિલ્લાના પ્રગતિશીલ ખેડૂતો

શ્રમિક અન્નપૂર્ણા યોજનાના 22 ભોજન કેન્દ્રો અને શ્રમ સન્માન પોર્ટલના લોકાર્પણ પ્રસંગે મુખ્યમંત્રી ભુપેન્દ્ર પટેલે જણાવ્યું હતું કે, આ કાર્યક્રમ અંત્યોદયના વિચારને સાકાર કરતો લોક ઉત્સવ છે. 'જેની પડખે કોઈ નથી, તેની પડખે સરકાર છે.' તેવા ધ્યેયમંત્ર સાથે રાજ્ય સરકાર પ્રયત્નશીલ છે. અમદાવાદ તથા ગાંધીનગર ખાતે આવેલા કુલ 22 કડિયા નાકા ઉપર ભોજન કેન્દ્રોનું લોકાર્પણ થયું છે.

પ્રધાનમંત્રી શ્રી નરેન્દ્ર મોદીએ કહ્યું કે ભારત સંરક્ષણ અને એરોસ્પેસમાં અમર્યાદિત સંભાવનાઓ પ્રદાન કરે છે. આ ક્ષેત્રોમાં સહયોગ માટે એરો ઇન્ડિયા એક અદ્વિતીય મંચ છે.

એક ટવીટમાં પ્રધાનમંત્રીએ કહ્યું, "ભારત સંરક્ષણ અને એરોસ્પેસમાં અમર્યાદિત સંભાવના પ્રદાન કરે છે. એરો ઇન્ડિયા આ ક્ષેત્રોમાં સહયોગ માટે એક અદ્વિતીય મંચ છે. ભારત સરકાર આ ક્ષેત્રમાં ભવિષ્યલક્ષી સુધારા લાવી છે, જે આપણી આત્મનિર્ભર બનવાની શોધમાં ગતિ આપશે."

https://twitter.com/narendramodi/status/1356819132558176256