અમરનાથ યાત્રામાં આવનારા શ્રદ્ધાળુઓની સંખ્યા 20 દિવસમાં 3.31 લાખને વટાવી ગઈ છે. બુધવારે પણ મોટી સંખ્યામાં લોકો દર્શન માટે આવી રહ્યા છે.  3 જુલાઈએ અમરનાથ યાત્રા શરૂ થઈ હતી.

2837 યાત્રાળુઓનો બીજો સમૂહ રવાના થયો

અધિકારીઓએ એમ પણ કહ્યું હતું કે, આજે સવારે 118 વાહનોના બે એસ્કોર્ટેડ કાફલામાં 2837 યાત્રાળુઓનો બીજો કાફલો જમ્મુ શહેરથી રવાના થયો હતો. 49 વાહનોનો પહેલો કાફલો, જેમાં 1036 યાત્રાળુઓ હતા, સવારે 3:25 વાગ્યે બાલતાલ બેઝ કેમ્પ માટે રવાના થયો હતો. 69 વાહનોનો બીજો કાફલો, જેમાં 1801 યાત્રાળુઓ પહેલગામ બેઝ કેમ્પ જઈ રહ્યા હતા, સવારે 3:58 વાગ્યે રવાના થયો હતો.

ભારતીય મહિલા ક્રિકેટ ટીમે ઇંગ્લેન્ડ સામેની વનડે શ્રેણી 2-1થી જીતીને ઇતિહાસ રચ્યો છે. ટીમ ઇન્ડિયાએ ચેસ્ટર-લે-સ્ટ્રીટ ખાતે રમાયેલી ત્રીજી વનડે મેચ 13 રનથી જીતી હતી. આ પહેલી વાર છે જ્યારે ભારતીય મહિલા ટીમે ઇંગ્લેન્ડના એક જ પ્રવાસ પર બંને મર્યાદિત ઓવરની શ્રેણી જીતી છે.

ODI શ્રેણી પહેલા ભારતીય ટીમે ઇંગ્લેન્ડ સામે T20 શ્રેણી પણ જીતી

ODI શ્રેણી પહેલા, ભારતીય ટીમે ઇંગ્લેન્ડ સામે પાંચ મેચની T20 શ્રેણી 3-2 થી જીતી હતી. ઇંગ્લેન્ડ ઉપરાંત, ભારતીય મહિલા ટીમે વિદેશી ધરતી પર ત્રણ દેશો સામે આ સિદ્ધિ હાંસલ કરી છે.

સંસદના ચોમાસુ સત્રનો બુધવારે ત્રીજો દિવસ છે. લોકસભા અને રાજ્યસભામાં કાર્યવાહી ફરી શરૂ થશે, પરંતુ રાજકીય તણાવને કારણે હંગામો થવાની સંભાવના છે.  બુધવારે બપોરે 12:30 વાગ્યે રાજ્યસભામાં બિઝનેસ સલાહકાર સમિતિ (BAC)ની એક મહત્વપૂર્ણ બેઠક યોજાશે. આ ઉપરાંત, ઓપરેશન સિંદૂર પર ચર્ચાનો સમય નવ કલાક સુધી લંબાવવામાં આવ્યો છે. ઘણા વિવાદાસ્પદ મુદ્દાઓ વચ્ચે આ ચર્ચા ગૃહનું મુખ્ય કેન્દ્ર રહેશે. 

મંગળવારે બંને ગૃહોની કાર્યવાહી આખા દિવસ માટે સ્થગિત રહી

શ્રાવન માસની આજે શિવરાત્રિ છે. ત્યારે, આજના દિવસે દેશભરના શિવાલયોને શણગારવામાં આવ્યા છે. 'હર હર મહાદેવ'ના નાદ સાથે દેશભરના શિવાલયો ગૂંજી ઉઠ્યા છે. ઉજ્જૈનમાં વહેલી સવારથી જ ભક્તોની લાંબી કતારો જોવા મળી રહી છે. આજના આ ખાસ અવસરે શ્રદ્ધાળુઓ દ્વારા મહાદેવનો અભિષેક કરવામાં આવશે. તો બીજી તરફ, દેશભરના શિવ મંદિરોમાં શ્રાવન શિવરાત્રિ પર ભક્તોની ભારે ભીડ ઉમટી છે. તો, આજે અયોધ્યાની સરયૂ નદીમાં શ્રદ્ધાળુઓ આસ્થાની ડૂબકી લગાવશે.  

ભક્તોની ભારે ભીડ જોવા મળી

એર ઇન્ટેલિજન્સ યુનિટ દ્વારા સુરત આંતરરાષ્ટ્રીય એરપોર્ટ પરથી અમદાવાદ કસ્ટમ્સે 24.827 કિલો સોનું જપ્ત કર્યું છે. જેની કિંમત 25.57 કરોડ રૂપિયા છે. આ ગુજરાતમાં અમદાવાદ કસ્ટમ્સ કમિશનરેટ દ્વારા કરવામાં આવેલી સૌથી મોટી સોનાની જપ્તીઓમાંની એક છે. એર ઇન્ડિયા એક્સપ્રેસ ફ્લાઇટ IX-174 દ્વારા દુબઈથી સુરત આવેલા બે મુસાફરોને AIU ટીમે અટકાવ્યા હતા અને શંકાસ્પદ ગતિવિધિ જણાતા પૂછપરછ કરવામાં આવી હતી. બંને મુસાફરોની તપાસ દરમિયાન, કુલ 28.100 કિલો સોનું પેસ્ટ સ્વરૂપે મળી આવ્યું...જેને વસ્ત્રો,હેન્ડબેગ અને પગરખાંમાં છુપાવવામાં આવ્યું હતું. 

એરપોર્ટ પર અવારનવાર દાણચોરીની ઘટના

બાંગ્લાદેશની પ્લેન ક્રેશ દુર્ઘટનામાં ભારતે પાડોશી દેશ માટે મદદનો હાથ લંબાવ્યો છે. પ્રધાનમંત્રી નરેન્દ્ર મોદીએ ઢાકામાં બનેલી પ્લેન ક્રેશ દુર્ઘટનામાં થયેલા જાનહાનિ પર શોક વ્યક્ત કર્યો હતો અને સહાયની ખાતરી આપી હતી. તો બીજી તરફ વિદેશ મંત્રાલયે કહ્યું કે, ઢાકા પ્લેન ક્રેશ દુર્ઘટનાના પીડિતોની સારવાર માટે ભારતના બર્ન નિષ્ણાત ડોકટરો અને નર્સોની એક ટીમ ટૂંક સમયમાં બાંગ્લાદેશની મુલાકાત લેશે. તેમની સાથે જરૂરી તબીબી સહાય પણ મોકલવામાં આવશે. ડોકટરો અને નર્સોની આ ટીમ દર્દીઓની સ્થિતિનું મૂલ્યાંકન કરશે અને જરૂર પડ્યે ભારતમાં વધુ સારવાર અને વિશેષ સંભાળની ભલામણ કરશે. 

પ્રધાનમંત્રી નરેન્દ્ર મોદી આજથી બ્રિટન અને માલદીવના પ્રવાસે છે.. ત્યારે પ્રધાનમંત્રી નરેન્દ્ર મોદી આજે સાંજે બ્રિટન પહોંચશે. આ મુલાકાતનો હેતુ ભારત અને બ્રિટન વચ્ચેના દ્વિપક્ષીય સંબંધોને વધુ મજબૂત બનાવવાનો છે. પ્રધાનમંત્રી મોદીની આ મુલાકાત બ્રિટિશ પ્રધાનમંત્રી કીર સ્ટાર્મરના આમંત્રણ પર થઈ રહી છે. મુલાકાત દરમિયાન, બંને નેતાઓ પ્રાદેશિક અને વૈશ્વિક રીતે મહત્ત્વના મુદ્દાઓ પર વાતચીત કરશે. આ સમય દરમિયાન, મુક્ત વેપાર કરાર પર હસ્તાક્ષર થવાની સંભાવના છે.

'શિક્ષાપત્રી સંગ શ્રદ્ધા' પર આધારિત આ સત્સંગ સભામાં ગુરુકુલની 65 શાખાઓના 275થી વધુ સંતો તથા 8000થી વધુ પરિવારો યૂટ્યુબ અને ઝૂમ મારફતે જોડાયા હતા.

પ્રધાનમંત્રી  મોદી 23-24 જુલાઈના રોજ યુનાઇટેડ કિંગડમ (યુકે) ની બે દિવસીય મુલાકાતે જશે. આ પછી, 25-26 જુલાઈના રોજ માલદીવની તેમની મુલાકાત નક્કી કરવામાં આવી છે. પ્રધાનમંત્રી નરેન્દ્ર મોદીની યુકેની સત્તાવાર મુલાકાત પીએમ કીર સ્ટારમરના આમંત્રણ પર થઈ રહી છે. વિદેશ સચિવ વિક્રમ મિશ્રીએ જણાવ્યું હતું કે આ મુલાકાત ચોક્કસપણે ટૂંકી છે, પરંતુ બંને નેતાઓને દ્વિપક્ષીય સંબંધોના વ્યાપક પાસાઓની સમીક્ષા કરવાની, તેને વધુ મજબૂત બનાવવાના પગલાંની ચર્ચા કરવાની અને પ્રાદેશિક અને વૈશ્વિક મહત્વના મુદ્દાઓ પર વિચાર કરવાની તક આપશે.

આજરોજ કાલિદાસ મિસ્ત્રી ભવન,અંબાજી ખાતે  આરાસુરી અંબાજી માતા દેવસ્થાન ટ્રસ્ટના અધ્યક્ષ અને જિલ્લા કલેક્ટર મિહિર પટેલની અધ્યક્ષતામાં સેવા કેમ્પ આયોજકો સાથે બેઠક યોજાઈ હતી. બેઠકમાં જિલ્લા કલેકટર મિહિર પટેલે જણાવ્યું હતું કે, ચાલુ વર્ષે ભાદરવી પૂનમ મહા મેળાનું સુચારુ આયોજન થાય તેને લઈને ખાસ વ્યવસ્થાઓ ઉભી કરાશે. સ્વચ્છતા એ જ સેવા સૂત્રને ચરિતાર્થ કરીને સ્વચ્છતા પર ખાસ ભાર મૂકવામાં આવશે. ચાલુ વર્ષે કચરાના નિકાલ માટે ટ્રેક્ટરની સંખ્યામાં વધારો કરાશે. ફૂડ વેસ્ટના નિકાલ માટે વિશેષ વ્યવસ્થા ઊભી કરાશે. તેમણે સેવા કેમ્પ આયોજકોને બિરદાવીને અભિનંદન પાઠવ્યા હતા.