14 દિવસનાં આ અભિયાન દરમ્યાન આશાની ટીમ ઘર-ઘર જઇને ઘરના દરેક સભ્યોની રક્તપિત્ત રોગ માટે તપાસ કરશે. સૌના સહકારથી જ સૌ રક્તપિત્ત રોગને ચોક્કસપણે શીતળા અને પોલીયો રોગની જેમ નાબૂદ કરી શકાશે. આરોગ્ય કર્મચારીને સહકાર આપી આ અભિયાનની સફળતાના ભાગીદાર બનશો. ગત વર્ષે 2025-26 LCDC દરમ્યાન કુલ 200 નવા દર્દી શોધવામાં સફળતા મળી હતી. હાલ વલસાડ જિલ્લામાં રક્તપિત્ત રોગનું પ્રમાણદર દર 10 હજાર વસ્તી દીઠ 1.01 નોંધાયેલું છે. વધુ માહિતી માટે જિલ્લા રક્તપિત્ત કચેરી,સિવિલ હોસ્પિટલ કેમ્પસ. વલસાડનો ફોન નં.- 02632-  243710 પર સંપર્ક કરવા અખબારી યાદીમાં જણાવાયુ છે. 

પાટણ જિલ્લા સાયબર ક્રાઈમ પોલીસ સ્ટેશન દ્વારા "OPERATION MULE HUNT 2.0" અંતર્ગત દેશવ્યાપી નેટવર્ક ધરાવતા રૂ. 348.43 કરોડના આર્થિક કૌભાંડનો પર્દાફાશ કરવામાં આવ્યો છે.બનાસકાંઠા રેન્જ આઈજી પરિક્ષીતા રાઠોડ અને પાટણ એસપી વી.કે. નાયીના માર્ગદર્શન હેઠળ પોલીસે કેન્દ્ર સરકારના સાયબર પોર્ટલ (NCCRP)ના ડેટા એનાલિસિસની મદદથી હારીજ નાગરિક સહકારી બેંકના શંકાસ્પદ ખાતાઓ પર નજર રાખી હતી. તપાસમાં બહાર આવ્યું કે વચેટીયાઓ સામાન્ય લોકોને માસિક કમિશન અને રોકડની લાલચ આપી તેમના નામે કરંટ ખાતાઓ (મ્યુલ એકાઉન્ટ્સ) ખોલાવતા હતા.

વન અને પર્યાવરણ મંત્રી  અર્જુન મોઢવાડિયા અને રાજ્ય મંત્રી પ્રવિણ માળીની અધ્યક્ષતામાં યોજાયેલી આ શિબિરમાં રાજ્યને પ્રદૂષણમુક્ત અને વિકાસલક્ષી બનાવવા પર વિશેષ ભાર મૂકવામાં આવ્યો હતો.મંત્રીએ અધિકારીઓને ઉદ્યોગોના 'મિત્ર અને માર્ગદર્શક' તરીકે કામ કરવા તથા સતત સંવાદ જાળવવા સૂચના આપી હતી. દંડાત્મક કાર્યવાહીને બદલે નિયમ પાલન કરનાર ઉદ્યોગોને પ્રોત્સાહન આપવા પર ભાર મુકાયો.GPCBના અગ્ર સચિવ  વિનોદ રાવે જણાવ્યું કે, ભવિષ્યમાં નવી ઇન્ડસ્ટ્રીઝને ત્યાં જ મંજૂરી અપાશે જ્યાં CETP (કોમન એફ્લુઅન્ટ ટ્રીટમેન્ટ પ્લાન્ટ)ની સુવિધા ઉપલબ્ધ હોય, જેથી પ્રદૂષણ મોનિટરિંગ સરળ બને.

મુખ્યમંત્રી ભૂપેન્દ્ર પટેલ દ્વારા લોકાર્પિત આ બસપોર્ટ 17,095 ચોરસ મીટરના વિસ્તારમાં રૂ. 44.51 કરોડના ખર્ચે તૈયાર કરવામાં આવ્યું છે.વિશાળ પ્રતીક્ષાખંડ, પબ્લિક એનાઉન્સમેન્ટ સિસ્ટમ, એલઈડી ટ્રેકિંગ ડિસ્પ્લે, કેફે અને વ્યવસ્થિત બસ બે.દરરોજ સરેરાશ 10,690થી વધુ મુસાફરો અને 600થી વધુ (એક્સપ્રેસ અને લોકલ) બસોનું આવાગમન.કોમર્શિયલ બ્લોક્સને કારણે સ્થાનિક વેપાર અને રોજગારીમાં વધારો.એસ.ટી. વિભાગના અધિકારીઓના જણાવ્યા અનુસાર, આ બસપોર્ટ માત્ર પરિવહન કેન્દ્ર જ નહીં, પરંતુ શહેરી આધુનિકીકરણનું મોડેલ બન્યું છે. મુસાફરો પણ પીવાના પાણી, સ્વચ્છતા અને સમયબદ્ધ સેવાઓને કારણે સંતોષ વ્યક્ત કરી રહ્યા છે.

ગાડવા ગામે ગતરોજ ITC કંપની દ્વારા કોર્પોરેટ સોશિયલ રિસ્પોન્સિબિલિટી (CSR) ફંડ અંતર્ગત નિર્માણ પામેલ નવીન આંગણવાડી અને ભોજન શેડનો લોકાર્પણ સમારોહ યોજાયો હતો. આ પ્રસંગે મહેસૂલ રાજ્ય મંત્રી સંજયસિંહ મહિડાએ  જણાવ્યું હતું કે, "બાળકો દેશનું ભવિષ્ય છે. તેમને ગુણવત્તાયુક્ત શિક્ષણ, યોગ્ય પોષણ અને સાનુકૂળ વાતાવરણ મળી રહે તે માટે સરકાર સતત પ્રયત્નશીલ છે. CSR હેઠળ ખાનગી સંસ્થાઓ દ્વારા ગ્રામ વિકાસમાં મળતો સહયોગ ગામડાઓના સર્વાંગી વિકાસને નવી દિશા અને ગતિ પ્રદાન કરી રહ્યો છે.

આ કાર્યક્રમનો મુખ્ય ઉદ્દેશ્ય સરહદી સુરક્ષાને વધુ અભેદ્ય બનાવવાનો અને સ્થાનિક ગ્રામજનોની સુખાકારીની સમીક્ષા કરવાનો છે.મુલાકાત દરમિયાન અધિકારીઓ માત્ર સુરક્ષા વ્યવસ્થાની ચકાસણી જ નહીં કરે, પરંતુ નિર્ધારિત ગામોમાં સ્થાનિકોના ઘરે રાત્રિ રોકાણ કરીને તેમની સાથે સીધો સંવાદ પણ સાધશે. આ કવાયતમાં ADGP વાબંગ જમીર, ADGP અજયકુમાર ચૌધરી, IGP બિપિન આહિરે, DIGP એ. એમ. મુનિયા, DIGP કે. એન. ડામોર, DIGP ડૉ. લીના પાટીલ, ACP આર. ટી. સુસરા અને DIGP સુધા એસ.

દિશિત મુંજપરા અને ખુશી પંચાલ, જેઓ વર્ષ 2019માં SVIT કોલેજમાં એરોનોટિકલ એન્જિનિયરિંગના અભ્યાસ દરમિયાન મિત્રો બન્યા હતા, આજે 'રેવડ્રોન્સ ટેક્નોલોજીસ પ્રાઈવેટ લિમિટેડ' નામની સફળ કંપનીના સહ-સ્થાપકો છે.કોલેજ સમયની ડ્રોન ટેક્નોલોજી અને એરો-મોડેલિંગની વર્કશોપથી શરૂ થયેલી તેમની આ સફર આજે વ્યવસાયિક કંપની સુધી પહોંચી છે. તેમની કંપની ડ્રોન ટેક્નોલોજી દ્વારા વિવિધ ઉદ્યોગોને સેવાઓ પૂરી પાડે છે અને આજે તેમની સાથે 6 કર્મચારીઓ જોડાયેલા છે.

વૈજ્ઞાનિકો માને છે કે મહાસાગરોનું ભવિષ્ય મોટાભાગે ક્રાયોસ્ફિયરની સ્થિતિ પર આધાર રાખે છે. આ જ કારણ છે કે વિશ્વભરમાં તેના સંરક્ષણ અને અભ્યાસ પર વિશેષ ભાર મૂકવામાં આવી રહ્યો છે.પૃથ્વી પરના તમામ પ્રકારના બરફને સામૂહિક રીતે ક્રાયોસ્ફિયર કહેવામાં આવે છે. આ શબ્દ ગ્રીક શબ્દ "ક્રિઓસ" પરથી આવ્યો છે, જેનો અર્થ બર્ફીલા ઠંડા હોય છે. આજના આબોહવા પરિવર્તનની ચર્ચાઓમાં ક્રાયોસ્ફિયર મહત્વપૂર્ણ છે કારણ કે તે આપણા મહાસાગરોના સ્વાસ્થ્ય અને ભવિષ્ય સાથે સીધો જોડાયેલો છે.

કાર્યક્રમમાં મેયર ઉષાબેન તલરેજા, મ્યુનિસિપલ કમિશનર નરેન્દ્ર મીના અને મહાનગરપાલિકાના પદાધિકારીઓ સહિત મોટી સંખ્યામાં નાગરિકો ઉપસ્થિત રહ્યા હતા.સેમિનારમાં ઇસરોની પૂર્વ વૈજ્ઞાનિક પૂર્ણિમા સાવરગાંવકર, પર્યાવરણવિદ ડૉ. રૂપલબેન વૈદ્ય અને પર્યાવરણ શિક્ષક લોકેન્દ્ર બાલસારિયાએ માર્ગદર્શન આપતા જણાવ્યું હતું કે, ઘરમાંથી નીકળતા ભીના કચરામાંથી સજીવ ખાતર બનાવીને ઘરઆંગણે ઓર્ગેનિક ખેતીને પ્રોત્સાહન આપી શકાય છે.

મધ્યરાત્રિએ 12:00 કલાકે કાન્હાનો જન્મોત્સવ થશે અને ભવ્ય ઉત્સવ આરતી યોજાશે. આ પ્રસંગે દૂર-દૂરથી આવતા ભક્તોને મંગલા આરતી બાદ ભગવાનના ખુલ્લા સ્નાન અને અભિષેકનો લાભ મળશે.ભક્તોની ભીડને ધ્યાનમાં રાખીને મંદિર પ્રશાસન અને પોલીસ તંત્ર દ્વારા બેરિકેટિંગ સહિતની તમામ સુરક્ષા વ્યવસ્થાઓ પૂર્ણ કરી લેવામાં આવી છે. જન્મોત્સવના દિવસે મંદિર રાત્રે 1:30 વાગ્યા સુધી ભક્તોના દર્શન માટે ખુલ્લું રહેશે. વારદાર પૂજારી  પ્રણવ ઠાકરેએ જણાવ્યું હતું કે, જન્માષ્ટમીની સવારે મંગલા આરતી બાદ વિશેષ પૂજન-અર્ચન સાથે મહોત્સવની ઉજવણીનો ભક્તો લ્હાવો લેશે.