આ ક્રમમાં, આધાર સેવાઓની સતત વધતી માંગ અને નાગરિકોની સુવિધાને ધ્યાનમાં રાખીને, ગાંધીનગરમાં સેક્ટર-17 પોસ્ટ ઓફિસમાં આધાર સેવા કેન્દ્રનું શુભારંભ 7 જાન્યુઆરી, 2026ના રોજ ઉત્તર ગુજરાત પરિક્ષેત્રના પોસ્ટમાસ્ટર જનરલ શ્રી કૃષ્ણ કુમાર યાદવ દ્વારા કરવામાં આવ્યું. સવારે 08:00 વાગ્યાથી સાંજે 06:00 વાગ્યા સુધી કાર્યરત આ બે નવા આધાર કાઉન્ટર સાથે હવે ગાંધીનગરમાં કુલ 38 પોસ્ટ ઓફિસ આધાર સેવા કેન્દ્રો કાર્યરત થયા છે. ગાંધીનગર હેડ પોસ્ટ ઓફિસમાં પણ લોકોને સમયબદ્ધ અને સરળ સેવા ઉપલબ્ધ કરાવવાના હેતુથી સવારે 08:00 વાગ્યાથી સાંજે 06:00 વાગ્યા સુધી બે આધાર કાઉન્ટર કાર્યરત કરવામાં આવ્યા છે.

આ ઉજવણી અંતર્ગત અંગદાન અંગે લોકજાગૃતિ કેળવવા ગાંધીનગર ખાતે નાયબ મુખ્યમંત્રીના હસ્તે વિદ્યાર્થીઓને 'અંગદાન મહાદાન' અંકિત 5,441 પતંગોનું વિતરણ કરવામાં આવ્યું હતું.  આ પ્રસંગે અંગદાન અંગે લોકજાગૃતિ કેળવવાની દિલીપ દેશમુખ અને તેમની ટીમની આ સરાહનીય પહેલની નાયબ મુખ્યમંત્રીએ પ્રશંસા કરી હતી. આ કાર્યક્રમનો મુખ્ય હેતુ લોકોમાં પ્રવર્તતી અંધશ્રદ્ધા દૂર કરી, વધુમાં વધુ લોકો અંગદાનના શપથ લે તે માટે પ્રોત્સાહિત કરવાનો છે. 

આ જિલ્લાઓમાં આયોજિત નારી મેળા દ્વારા રૂ. 4.10 કરોડની કિંમતની સ્વદેશી ઉત્પાદનોનું વેચાણ કરીને ‘વન ડિસ્ટ્રીકટ, વન પ્રોડક્ટ’ યોજનાને નવી દિશા આપી છે.રાજ્યના ગ્રામ વિકાસ વિભાગ અંતર્ગત ગુજરાત લાઇવલીહૂડ પ્રમોશન કંપની લિમિટેડ-GLPC દ્વારા ગત તા. 18 થી 23 ડિસેમ્બર-2025 દરમિયાન રાજ્યના 31 જિલ્લાઓમાં 3 થી 5 દિવસ સુધી નારી મેળાનું સફળ આયોજન કરીને ‘વન ડિસ્ટ્રીક્ટ, વન પ્રોડક્ટ’ યોજના અંતર્ગત દરેક જિલ્લાની વિશિષ્ટ ઓળખ એક જ છત નીચે ઉપલબ્ધ કરાવી છે. આ નારી મેળા દ્વારા વિવિધ જિલ્લાઓમાં કુલ 2,300 થી વધુ સ્ટોલની અંદાજે પાંચ લાખથી વધુ ભાઈ-બહેનોએ મુલાકાત કરીને વિવિધ ઉત્પાદનોની ખરીદી કરી છે. 

નાયબ મુખ્યમંત્રી હર્ષ સંઘવીના હસ્તે ‘તેરા તુજકો અર્પણ’ કાર્યક્રમ હેઠળ વ્યાજવટાવના ગુનાઓમાં જપ્ત કરાયેલા મુદ્દામાલ અને પચાવી પાડેલી મિલકતો મૂળ માલિકોને સન્માનપૂર્વક પરત કરવામાં આવી હતી.આ સમગ્ર કામગીરીમાં સૌથી હૃદયસ્પર્શી કિસ્સો ભાયાવદરના 60 વર્ષીય વૃદ્ધ  ઉદયનો રહ્યો છે.  ઉદયએ વ્યાજખોર વિશ્વરાજસિંહ ચુડાસમાના ત્રાસથી કંટાળીને આત્મહત્યા કરવા જઈ રહ્યા હોવાનો એક કરુણ મેસેજ વોટ્સએપ પર મોકલ્યો હતો. આ મેસેજમાં તેમણે ઉલ્લેખ કર્યો હતો કે આરોપીએ તેમની પૂર્વજોની 18 વીઘા જમીન પર ગેરકાયદેસર કબજો જમાવ્યો હતો અને રિવોલ્વર બતાવી જાનથી મારી નાખવાની ધમકી આપી હતી.

આ દરમિયાન કેન્દ્ર સરકાર દ્વારા અમલમાં મુકાયેલા 'વિકસિત ભારત રોજગાર અને આજીવિકા મિશન (ગ્રામીણ)' (VB-G RAM-G) અધિનિયમ-2025 ની વિશેષતાઓ વર્ણવવામાં આવી હતી.અગાઉની મનરેગા યોજનામાં 100 દિવસ કામ મળતું હતું, જે હવે વધારીને 125 દિવસ કરવામાં આવ્યું છે. વાવણી અને કાપણીની સીઝન દરમિયાન 60 દિવસ કામ રોકવાની જોગવાઈ છે, જેથી શ્રમિકો ખેતીકામ કરી શકે.

ટાઇમ્સ ઓફ ઓમાન અનુસાર, ભારત-ઇથોપિયા સંબંધો વેપાર, રોકાણ, માળખાગત સુવિધાઓ અને દક્ષિણ-દક્ષિણ સહયોગ પર આધારિત બહુપક્ષીય ભાગીદારીમાં વિકસિત થયા છે.ટાઇમ્સ ઓફ ઓમાનના એક લેખ મુજબ, છેલ્લા કેટલાક દાયકાઓમાં, ભારત-ઇથોપિયા વેપાર સંબંધો એક બહુપક્ષીય ભાગીદારીમાં વિકસિત થયા છે જે મજબૂત માલસામાન વેપાર, ઇથોપિયન ઉદ્યોગ અને માળખાગત સુવિધાઓમાં નોંધપાત્ર ભારતીય રોકાણ અને દક્ષિણ-દક્ષિણ એકતા દ્વારા આધારીત મજબૂત વિકાસ સહયોગ માળખાને જોડે છે.

રાજ્યપાલ આચાર્ય દેવવ્રતએ ઉપરાજ્યપાલ મનોજ સિન્હાનું લોકભવન ખાતે પુષ્પગુચ્છથી સ્વાગત તેમજ શાલ ઓઢાડીને સન્માન કર્યું હતું.

નીતિન ગડકરીએ એક X-પોસ્ટમાં કહ્યું કે તેમને આ અદ્ભુત વાહનમાં જોશી સાથે ટૂંકી ડ્રાઇવનો આનંદ મળ્યો, જે સ્વચ્છ ગતિશીલતાના ભવિષ્યનું પ્રતિનિધિત્વ કરે છે.

https://x.com/nitin_gadkari/status/2008463267879153990?s=20

ભારતના ઉર્જા સંક્રમણમાં હાઇડ્રોજન મુખ્ય ભૂમિકા ભજવશે

નીતિન ગડકરીએ કહ્યું, "ભારતના ઉર્જા સંક્રમણમાં હાઇડ્રોજન મુખ્ય ભૂમિકા ભજવશે. હું નાગરિકોને વિનંતી કરું છું કે આપણે શુદ્ધ-શૂન્ય ભવિષ્ય તરફ આગળ વધીએ ત્યારે આવી લીલા નવીનતાઓ અપનાવે."

આ કાર્યક્રમ જિલ્લા સમાજ કલ્યાણ વિભાગ દ્વારા શિહોરના ટાઉનહોલ ખાતે યોજાયો હતો.આ પ્રસંગે કેન્દ્રીય રાજયમંત્રી નિમુબેન બાંભણીયાએ જણાવ્યું હતું કે, ભારત સરકારની ADIP યોજના અંતર્ગત શિહોર ખાતે લગભગ 200 જેટલા દિવ્યાંગજનને 26 લાખની કિંમતના કુલ.362 જેટલાં સાધનો આપવામાં આવ્યાં છે.સમગ્ર બોટાદ અને ભાવનગર જિલ્લામાં મળીને કુલ 2700 જેટલા દિવ્યાંગજનનું ઍસેસમેન્ટ કરવામાં આવ્યું હતું, અને તેમની જરૂરીયાતો સમજવામાં આવી હતી. દિવ્યાંગજનની જરૂરિયાત અનુસાર સાધનો આપવામાં આવી રહ્યા છે. ભાવનગર અને બોટાદમાં જિલ્લામા 7 જેટલાં અલગ- અલગ કેમ્પ દ્વારા આ સાધન સહાય વિતરણ કરવામાં આવશે.

આ સમારોહ દરમિયાન શ્રેષ્ઠ પશુપાલક પુરસ્કાર યોજના હેઠળ રાજ્ય કક્ષાએ પ્રથમ ક્રમ મેળવનાર જૂનાગઢના પશુપાલક અરજણ ઓડેદરા, દ્વિતીય ક્રમે સુરતના પશુપાલક ખંડુ પટેલ તથા તૃતીય ક્રમે મોરબીના પશુપાલક  પ્રવિણ પટેલને પશુપાલન રાજ્ય મંત્રીના હસ્તે સન્માનિત કરવામાં આવ્યા હતા. તેઓને ક્રમશ: રૂ. 1,00,000, રૂ. 51,000 અને રૂ. 31,000 ની પ્રોત્સાહક રાશિના ચેક અર્પણ કરવામાં આવ્યા હતા.