ગુજરાત

ગ્લોબલ વોર્મિંગની અસર તથા પ્રદૂષણના કારણે કુદરત પોતાના મિજાજ બદલે છે. દિલ્હી સહિતના અનેક વિસ્તારો આંધી તોફાનમાં લપેટાયા છે ત્યારે આખું ગુજરાત સૂરજના આકરા તાપમાં અટવાયું છે. આકાશમાંથી અગનવર્ષા થઈ રહી છે અને તાપમાન ડિગ્રીના આંકડાઓમાં વધતું ચાલ્યું છે. હજુ થોડા દિવસો સુધી ગરમીનો પારો યથાવત રહેવાની હવામાન વિભાગે આગાહી આપી છે. સાથે જ ગર્ભવતી મહિલાઓ, નવજાત શિશુઓ, તથા વૃદ્ધોને બપોરના સમયે ઘરની બહાર ન નીકળવાની સલાહ આપવામાં આવી છે. માત્ર અમદાવાદમાં જ રોજના સંખ્યાબંધ લોકો ડિહાઇડ્રેશનના કારણે મૂર્છિત થાય છે.

વલસાડના ઢોળાવ અને ડુંગરા ધરાવતા વિસ્તારમાંથી ચોમાસાનું પાણી વહી ન જાય તે માટે વિશેષ પદ્ધતિ કન્ટુર ટ્રેન્ચ દ્વારા જળસંચય અભિયાન હાથ ધરવામાં આવ્યું છે. આ અભિયાનથી જળ સંચય કરવાને કારણે પાણીની અછતનું તો નિવારણ થશે ,સાથે સાથે જંગલોની વૃદ્ધિમાં પણ આ પદ્ધતિ મહત્વનો ભાગ ભજવશે. જિલ્લા કલેક્ટર સી.આર.ખરસાણે આ અંગે જણાવ્યું હતું ,કે વલસાડના કપરડામાં સૌથી વધુ વરસાદ થાય છે. ત્યારે ચોમાસાના ચાર મહિનામાં ધરમપુર અને કપરાડા જેવા પહાડી વિસ્તાર માટે ,આ વિશેષ પદ્ધતિ દ્વારા જળસંચયની વ્યવસ્થા કરવામાં આવી છે. ટ્રેન્ચ પદ્ધતિ દ્વારા પાણી નાના નાના ખાડામાં ભરાઈ રહે છે અને જળસ્તર ઉંચું આવે છે.

ધોલેરા - ખંભાતની અખાતમાં આવેલું એક પ્રાચીન બંદર- અમદાવાદ જિલ્લામાં એક વિશિષ્ટ રોકાણ ક્ષેત્ર અને આંતરરાષ્ટ્રીય સ્માર્ટ સિટી તરીકે વિકસિત થઈ રહ્યું છે, તે વાઇબ્રન્ટ ગુજરાત ગ્લોબલ સમિટ 2019 માં વૈશ્વિક રોકાણકારો માટે રોકાણના સ્થળ તરીકે દર્શાવવામાં આવશે.

ધોલેરા એસઆઈઆરમાં 20 એમએલડી કોમન એફ્લુઅન્ટ ટ્રીટમેન્ટ પ્લાન્ટ (સીઇટીપી) અને 13.5 કિ.મી.ની પાણીની પાઇપલાઇનના ગ્રાઉન્ડબ્રેકિંગ, તો કોમનફ્લુઅન્ટ ટ્રીટમેન્ટ પ્લાન્ટ (સીઇટીપી) ની કિંમત રૂ. 160 કરોડની હશે, જ્યારે પીપળી-ધોલેરા પાઇપલાઇનનો રૂ. 29 કરોડનો ખર્ચ થશે.

માલસામાનની એકથી બીજા રાજ્યમાં હેરફેર માટે ઇ-વે બિલ પ્રણાલિ આજથી ગુજરાત, આંધ્ર પ્રદેશ, કેરળ, તેલંગણા અને ઉત્તર પ્રદેશમાં અમલી બનશે. 

નાણા ખાતા મુજબ, આ રાજ્યોમાં ઇ-વે બિલ પ્રણાલિ લાગુ થતાં જ ધંધા-ઉદ્યોગોમાં જ્યાં સુધી માલસામાનની હેરફેરનો પ્રશ્ન છે, સુવિધા વધશે. આનાથી રાષ્ટ્રવ્યાપી એકલ ઇ-વે બિલ પ્રણાલિ માટેનો માર્ગ મોકળો થવામાં ફાયદો થશે. મંત્રાલયે આ રાજ્યોમાં આવેલા ટ્રાન્સ્પૉર્ટરોને <www.ewaybillgst.gov.in> નામના ઇ-વે બિલ પૉર્ટલ પર નોંધણી કરાવી લેવા અનુરોધ કર્યો છે. 

������ષિણ ગુજરાતની �{r�>

અરવલ્લી જિલ્લાના મોડાસા માર્કેટયાર્ડની 13 બેઠકો માટેની ચૂંટણી યોજાઈ હતી. જેમાં આદર્શ પેનલમાંથી 5 અને કિસાન પેનલમાંથી 3 ઉમેદવારોનો ભવ્ય વિજય થયો હતો. જ્યારે વેપારી વિભાગમાંથી 4 ઉમેદવાર અને સહકાર વિભાગમાંથી એક ઉમેદવારનો વિજય થયો હતો. આ ચૂંટણીમાં માર્કેટયાર્ડના વર્તમાન ચેરમેનનો પરાજય થયો હતો. આ ચૂંટણીમાં 33 ઉમેદવારો મેદાને હતા. મતદાન પ્રક્રિયામાં ખેડૂત વિભાગમાં 99 ટકા, વેપારી વિભાગમાં 98 ટકા અને સહકાર વિભાગમાં 94 ટકા મતદાન થયું હતું. ચૂંટણીમાં આદર્શ પેનલ અને કિસાન પેનલ એમ બે પેનલો બની હતી. વિજય બાદ વિજેતા ઉમેદવારોના સમર્થકોએ વિજયોત્સવ મનાવ્યો હતો. 
 

બેટસન કોલેજ અમેરિકા અને લંડન બિઝનેસ સ્કૂલ દ્વારા ગ્લોબલ આંત્રપ્રિનિયોરશીપ મોનીટર સર્વે દર વર્ષે કરવામાં આવે છે. જેમાં વિશ્વના દેશોમાંના ઉદ્યોગ સાંસ્કૃતિકતા અંગેનું વલણ તથા તકોને દર્શાવવામાં આવે છે. વર્ષ 2016-17ના જીઈએમ સર્વેમાં ભારતમાં ગુજરાત છવાયેલું રહ્યું. દેશમાં નંબર વન પર રહેલા ગુજરાતમાં 55 ટકા યુવાનો ઉદ્યોગ સાહસિક બનીને રોજગારી પેદા કરે છે તથા 63 ટકા લોકો ઉદ્યોગ સાહસિકતાને હાઇસ્ટેટસ માને છે. સર્વેના આંકડાઓ પ્રમાણે ઉદ્યોગ સાહસિકતા અભિયાન છેલ્લા બે-ત્રણ વર્ષથી સુવ્યવસ્થિત રીતે આગળ વધી રહ્યું છે. તથા યુવાનોને લાગી રહ્યું છે કે હાલમાં ઉદ્યોગ સાહસિક બનવાનો સાચો સમય છે.

રાજ્યપાલ શ્રી ઓ. પી. કોહલીએ જણાવ્યું છે કે, પદવી મળ્યા બાદ રોજગારી મળે તે જરૂરી હોવાથી શિક્ષણ રોજગારલક્ષી હોય તે આવશ્યક છે. ભાવનગરની મહારાજા કૃષ્ણકુમાર સિંહજી યુનિવર્સિટીના પદવીદાન સમારોહને તેઓ સંબોધી રહ્યા હતા. તેમણે ઉમેર્યું હતું કે, કૌશલ્ય વિકાસ પર વિશેષ ધ્યાન કેન્દ્રીત કરવાથી બેરોજગારીનો પ્રશ્ન હલ થવાની સાથે નવા ભારતનું નિર્માણ થશે. શિક્ષણમંત્રી ભૂપેન્દ્રસિંહ ચુડાસમાએ જણાવ્યું હતું કે, રાજ્ય સરકારે સ્ટુડન્ટ સ્ટાર્ટ અપ ઇનોવેશન પોલીસીની શરૂઆત દ્વારા વિદ્યાર્થીઓના સર્વાંગી વિકાસ પર ધ્યાન કેન્દ્રીત કર્યું છે.