ગુજરાતના વર્તમાન પોલીસવડા (DGP) IPS વિકાસ સહાયને રાજ્ય સરકારે છ મહિનાનું એક્સટેન્શન આપવાનો મહત્ત્વપૂર્ણનો નિર્ણય લીધો છે. 1989 બેચના IPL અધિકારી વિકાસ સહાય 30 જૂને વયનિવૃત્ત થવાના હતા, ત્યારે આ એક્સટેન્શનના નિર્ણયથી તેઓ આગામી છ મહિના સુધી ગુજરાતના DGP પદ પર યથાવત રહેશે. આ એક્સટેન્શનના કારણે રાજ્યના નવા પોલીસવડા કોણ બનશે તે અંગે ચાલી રહેલી અટકળો પર હાલ પૂરતો વિરામ આવી ગયો છે. વિકાસ સહાયના નેતૃત્વ હેઠળ ગુજરાત પોલીસ દળ આગામી છ મહિના સુધી તેમની કામગીરી ચાલુ રાખશે.

પ્રધાનમંત્રી નરેન્દ્ર મોદી આગામી તારીખ 2થી 9 જુલાઈ સુધી 5 દેશોના પ્રવાસે જવાના છે.  બુધવારે તેઓ ઘાના, ત્રિનિદાદ અને ટોબેગો, આર્જેન્ટિના, બ્રાઝિલ અને નામિબિયાનાની મુલાકાત માટે રવાના થશે. વડાપ્રધાન મોદી તા. 2થી 3 જુલાઈ સુધી ઘાનામાં રહેશે. આ મુલાકાત દરમિયાન, પ્રધાનમંત્રી ઘાનાના પ્રમુખ સાથે વાતચીત કરશે. બંને દેશો મજબૂત દ્વિપક્ષીય ભાગીદારીની સમીક્ષા કરશે અને આર્થિક, ઉર્જા અને સંરક્ષણ સહયોગ અને વિકાસ સહયોગ ભાગીદારીને વધારવા માટે વધુ તકો પર ચર્ચા કરશે. વિદેશ મંત્રાલયે કહ્યું હતું કે, વડાપ્રધાન નરેન્દ્ર મોદીની આ મુલાકાત દ્વિપક્ષીય સંબંધોને વધુ ગાઢ બનાવશે.

અમેરિકાના ઉત્તરી ઇડાહોમાં રવિવારે બપોરે જંગલની આગ ઓલવવા દરમિયાન ફાયર ફાઇટર પર સ્નાઇપર વડે હુમલા કરવામાં આવતા બે લોકોના મોત થયા હતા. એક ફાયર ફાઇટર ઘાયલ થયો છે. ગોળીબાર હજુ બંધ થયો નથી. ઉત્તરી ઇડાહોમાં કોયુર ડી'એલેનના પૂર્વી ભાગમાં 24 એકરના પાર્ક કેનફિલ્ડ માઉન્ટેન નેચરલ એરિયામાં સમયાંતરે ગોળીબારનો અવાજ સંભળાઈ રહ્યો છે.

અહેવાલો અનુસાર, કોયુર ડી'એલેન નજીક કાયદા અમલીકરણ એજન્સીઓ દર સપ્તાહના અંતે રાહદારીઓની સુવિધા માટે અસામાજિક તત્વોને ભગાડે છે. અધિકારીઓએ આવા લોકોને પકડવાનો પ્રયાસ કર્યો. તે દરમિયાન ગોળીબાર શરૂ થયો.

નવસારી પોલીસે સૌથી મોટું સાયબર ફ્રોડ વિરોધી ઓપરેશન પાર પાડયું છે. નવસારી જિલ્લામાં વધતા સાયબર ફ્રોડના કેસોને ધ્યાનમાં રાખી નવસારી પોલીસ દ્વારા “ ઓપરેશન સાઇબર સ્ટોર્મ ” હાથ ધરવામાં આવ્યું હતું. આ અભિયાન અંતર્ગત ગુજરાત, મહારાષ્ટ્ર અને રાજસ્થાનના વિવિધ સ્થળોએ તપાસ કરીને 35 આરોપીઓને ઝડપી પાડવામાં આવ્યા છે. ગુજરાતના 7 જીલ્લામાં સુરત, ભાવનગર, રાજકોટ, અમદાવાદ, જયપુર અને મુંબઈમાં ટેકનિકલ સર્વેલન્સને આધારે જે-તે આરોપીઓની અટક કરવામાં સફળતા મેળવી છે. તપાસ દરમિયાન પૈસાની ઠગાઈમાં ઇન્વેસ્ટમેન્ટ ફ્રોડ, ફેસબુક ID ફ્રોડ, શેર માર્કેટ ઇન્વેસ્ટમેન્ટ ફ્રોડ અને ઑનલાઇન ટ્રેડિંગ ફ્રોડનો સમાવેશ થાય છે.

જમ્મુમાં ભારે વરસાદને કારણે ચેનાબ નદીના પાણીના સ્તરમાં વધારો થવાને કારણે અધિકારીઓએ જમ્મુ અને કાશ્મીરના રિયાસી જિલ્લામાં આવેલા સલાલ ડેમના ઘણા સ્પિલવે દરવાજા ખોલી નાખ્યા છે. વધારાના પાણીને સુરક્ષિત રીતે બહાર કાઢવા અને નીચેના પ્રવાહમાં કોઈપણ સંભવિત પૂરને રોકવા માટે દરવાજા ખોલવામાં આવ્યા છે. અધિકારીઓએ સ્થાનિક લોકોને નદી કિનારાથી દૂર રહેવા અને તમામ સલામતી સૂચનાઓનું પાલન કરવા વિનંતી કરી છે.

સ્થાનિક લોકોને નદી કિનારાથી દૂર રહેવા અપીલ

ચારધામ યાત્રા પર 24 કલાકનો પ્રતિબંધ રવિવારે લાદવામાં આવ્યો હતો, જે હવે હટાવી લેવામાં આવ્યો છે. અધિકારીઓએ સોમવારે કહ્યું કે, ચારધામ યાત્રા પરનો પ્રતિબંધ હટાવી લેવામાં આવ્યો છે અને યાત્રા ફરી એકવાર શરૂ થઈ ગઈ છે.

જિલ્લા મેજિસ્ટ્રેટ્સને કડક સૂચના આપવામાં આવી

ગઢવાલના ડિવિઝનલ કમિશનર વિનય શંકર પાંડેએ કહ્યું કે, ચારધામ યાત્રા પર લાદવામાં આવેલો 24 કલાકનો પ્રતિબંધ હવે હટાવી લેવામાં આવ્યો છે. યાત્રા રૂટ પર આવતા જિલ્લાઓના જિલ્લા મેજિસ્ટ્રેટને તેમના સંબંધિત વિસ્તારોમાં હવામાનની સ્થિતિ અનુસાર વાહનો રોકવા અથવા ખસેડવાની સૂચના આપવામાં આવી છે.

મુખ્યમંત્રી ભૂપેન્દ્ર પટેલે રાજ્યના નાના અને મધ્યમ વર્ગીય લોકોના વ્યાપક હિતમાં મહત્વપૂર્ણ મહેસુલી નિર્ણય લીધો છે. સોસાયટી, એસોસિએશન અને નોન ટ્રેડિંગ કોર્પોરેશન દ્વારા અલોટમેન્ટ લેટર - શેર સેર્ટિફિકેટથી કરવામાં આવેલી તબદીલી - ટ્રાન્સફર્સ માટે ભરવા પાત્ર ડ્યુટીની 80 ટકા સુધીની ડ્યુટી રકમ માફ કરવામાં આવશે અને માત્ર 20 ટકા જેટલી ડ્યુટી વસૂલ કરવામાં આવશે. ગુજરાત સ્ટેમ્પ અધિનિયમ 1958ની કલમ 9(ક) અન્વયે ભરવા પાત્ર રકમમાં છૂટછાટ આપવામાં આવશે. મધ્યમ વર્ગના લોકો પર આવા તબદીલીના કિસ્સાઓમાં જે નાણાંકીય બોજ આવતો હતો, તે પ્રત્યે સંવેદના દાખવીને હકારાત્મક અભિગમ અપનાવવામાં આવ્યો છે... 

વિમ્બલ્ડન ટેનિસ ટૂર્નામેન્ટ 2025 આજથી લંડનના ઓલ ઈંગ્લેન્ડ ક્લબમાં શરૂ થશે. આ સ્પર્ધા 13 જુલાઈના રોજ પુરુષ સિંગલ્સ ફાઇનલ સાથે સમાપ્ત થશે. બે વખતના વર્તમાન ચેમ્પિયન કાર્લોસ અલ્કારાઝ, વિશ્વના નંબર વન ખેલાડી જેનિક સિનર અને 24 વખત ગ્રાન્ડ સ્લેમ જીતનાર નોવાક જોકોવિચ ઉપરાંત અન્ય ખેલાડીઓ ખિતાબ પર પોતાનો દાવો રજૂ કરશે. આ ટૂર્નામેન્ટમાં ચાર ભારતીય ખેલાડીઓ પુરુષ ડબલ્સમાં ભાગ લઈ રહ્યા છે. રોહન બોપન્ના,, બેલ્જિયમના સેન્ડર ગિલે સાથે જ્યારે યુકી ભાંબરી અમેરિકાના રોબર્ટ ગેલોવે સાથે ડબલ્સ મેચ રમશે. ઋત્વિક બોલિપલ્લી રોમાનિયાના નિકોલસ બેરિએન્ટોસ સાથે અને એન.

24 કલાકમાં રાજ્યના 189 તાલુકામાં વરસાદ વરસ્યો હતો. હવામાન વિભાગના આંકડા અનુસાર, મહેસાણા જિલ્લાના કડી અને અમદાવાદ જિલ્લાના વિરમગામમાં સૌથી વધુ પોણા ચાર ઈંચ વરસાદ ખાબક્યો હતો.આ ઉપરાંત નવસારીના ખેરગામમાં સવા બે ઈંચ, સુરતના ઉમરપાડામાં બે ઈંચ, ગાંધીનગરના કલોલમાં બે ઈંચ વરસાદ વરસ્યો હતો. અમદાવાદના દેત્રોજ અને નવસારીના વાંસદામાં પણ બે-બે ઈંચ વરસાદ નોંધાયો હતો. અત્યાર સુધી રાજ્યમાં સિઝનનો 32.73 ટકા વરસાદ ખાબકી ચૂક્યો છે..સૌથી વધુ દક્ષિણ ગુજરાતમાં 35.75 ટકા, જ્યારે સૌથી ઓછો કચ્છ અને નોર્થ ગુજરાતમાં વરસાદ વરસ્યો છે..વરસાદને લઈને 13 ડેમ 100 ટકા ભરાયેલા છે, જ્યારે 19 ડેમ હાઈએલર્ટ પર છે.

રાષ્ટ્રપતિ દ્રૌપદી મૂર્મૂ આજથી ઉત્તર પ્રદેશના બે દિવસના પ્રવાસ પર છે. તેઓ બરેલીમાં ભારતીય પશુચિકિત્સા સંશોધન સંસ્થાનના 11મા દીક્ષાંત સમારોહમાં ભાગ લેશે. આ સમારોહમાં રાષ્ટ્રપતિ દ્રૌપદી મૂર્મૂ મુખ્ય અતિથિ તરીકે ઉપસ્થિત રહીને પ્રતિભાશાળી વિદ્યાર્થીઓને મેડલ એનાયત કરશે. રાષ્ટ્રપતિ ભવન તરફથી મંજૂરી મળ્યા બાદ સમારોહની તૈયારીઓ તેજ થઈ ગઈ છે. સંસ્થાના ડિરેક્ટર વતી, ICARના વરિષ્ઠ અધિકારીઓ, જિલ્લાના જનપ્રતિનિધિઓ, જાટ રેજિમેન્ટલ સેન્ટર, UB વિસ્તાર, ગરુડ વિભાગ, વાયુસેના, ITBP, જિલ્લા વહીવટ, પોલીસ, PACને આમંત્રણ પત્રો મોકલવામાં આવી રહ્યા છે.