ભારત-પાકિસ્તાન વચ્ચે તણાવપૂર્ણ વાતાવરણ વચ્ચે ભારતીય સૈન્ય દ્વારા શરૂ કરાયેલા ઓપરેશન સિંદૂર દરમિયાન સોશિયલ મીડિયા પર રાષ્ટ્રવિરોધી, નકારાત્મક અને સૈન્યનું મનોબળ તોડનારી પોસ્ટ કરનાર ૧૪ વ્યક્તિઓ સામે ગુજરાત પોલીસે ગુનો નોંધી કડક કાર્યવાહી હાથ ધરી છે.
> ગુજરાતના યુવાનોને ‘ફ્યુચર રેડી’ બનાવવા માટે હવે અમદાવાદમાં ‘આઈ-ફેક્ટરી લેબ’
> ઇન્ડસ્ટ્રી 4.0ની ઉભરતી ટેક્નોલોજી અંગેના અભ્યાસક્રમો શીખવા માટે લેબમાં તાલીમ મળશે
> પ્રધાનમંત્રીના વિકસિત ભારતના વિઝનને સાકાર કરવામાં આ પહેલ મહત્વપૂર્ણ યોગદાન આપશે
સુરેન્દ્રનગર બી ડિવિઝન પોલીસે બુલેટ સહિતના ટુ-વ્હીલર વાહન ચાલકો સામે કાર્યવાહી કરી હતી.નિયમ વિરુદ્ધ ધ્વનિ પ્રદૂષણ કરતા સાઇલેન્સર લગાવતા અને નંબર પ્લેટમાં ક્ષતિ ધરાવતા વાહન ચાલકો સામે કરાઈ કાર્યવાહી કારવામી આવી છે.ઉપાસના સર્કલ રોડ, બસ સ્ટેન્ડ રોડ, અને ડી માર્ટ પાસે વિગેરે જાહેર રસ્તાઓ ઉપર પોલીસે કરી સ્પેશિયલ ડ્રાઈવ યોજી હતી.મોટી સંખ્યામાં બુલેટ અને ટુ-વ્હીલર વાહન પોલીસે ડીટેઇન કરી બી ડિવિઝન પોલીસ સ્ટેશનને લાવવામાં આવ્યા છે.ડીટેઇન કરાયેલા વાહન ચાલકો સામે પોલીસે કાયદેસરની કાર્યવાહી હાથ ધરી છે..
સુરેન્દ્રનગર જિલ્લાના ગૌતમગઢ નજીક ભોગાવો નદીમાં નહાવા પડેલા બે સગા ભાઈઓનું ડૂબી જતાં મોતની ઘટના સામે આવી છે . મૃતકોની ઓળખ કિશોરસિંહ જાડેજા અને અજયરાજસિંહ પરમાર તરીકે થઈ છે. બંને ભાઈઓ નહાવા પડતાં નદીના પાણીમાં ડૂબી જતાં ઘટનાસ્થળે જ તેમનું મૃત્યુ થયું હતું. ઘટનાની જાણ થતાં ફાયર બ્રિગેડની ટીમો તાત્કાલિક ઘટનાસ્થળે પહોંચી હતી.ફાયર બ્રિગેડની ટીમે બે થી ત્રણ કલાકની મહેનત બાદ બંને ભાઈઓના મૃતદેહ બહાર કાઢ્યા હતા. બંને ભાઈઓના મૃત્યુથી પરિવારજનોમાં શોકનો માહોલ છવાઈ ગયો હતો. પોલીસે બંને મૃતદેહને પોસ્ટમોર્ટમ માટે મુળી સરકારી હોસ્પિટલમાં ખસેડ્યા છે.
દેશના 32 એરપોર્ટ હવે ખોલવામાં આવ્યા છે. 5 દિવસ પછી, આ એરપોર્ટ પરથી ફરી ફ્લાઇટ્સ શરૂ થઈ ગઈ છે. એરપોર્ટ્સ ઓથોરિટી ઓફ ઈન્ડિયાએ એક પ્રેસ રિલીઝ જારી કરીને જણાવ્યું હતું કે ૧૫ મે ૨૦૨૫ ના રોજ સાંજે ૦૫:૨૯ વાગ્યા સુધી ૩૨ એરપોર્ટને નાગરિક વિમાન સંચાલન માટે અસ્થાયી રૂપે બંધ કરવા માટે એક સંદર્ભ સૂચના જારી કરવામાં આવી છે.સૂચિત કરવામાં આવે છે કે આ એરપોર્ટ હવે તાત્કાલિક અસરથી નાગરિક વિમાન સંચાલન માટે ઉપલબ્ધ છે. મુસાફરોને સલાહ આપવામાં આવે છે કે તેઓ એરલાઇન્સ સાથે સીધી ફ્લાઇટ સ્ટેટસ તપાસે અને નિયમિત અપડેટ્સ માટે એરલાઇન વેબસાઇટ્સનું નિરીક્ષણ કરે.
ભારતના સ્ટાર બેટ્સમેન વિરાટ કોહલીએ સોમવારે ટેસ્ટ ક્રિકેટમાંથી નિવૃત્તિની જાહેરાત કરી દીધી છે, જેનાથી રમતના લાંબા ફોર્મેટમાં તેના ભવિષ્ય અંગે ચાલી રહેલી અટકળોનો અંત આવ્યો છે. હવે તે ફક્ત વનડેમાં જ રમશે. તેમની નિવૃત્તિ સાથે, ટેસ્ટ ફોર્મેટમાંથી ભારતીય અનુભવી ખેલાડીઓની વિદાય ચાલુ છે. રવિચંદ્રન અશ્વિન (ડિસેમ્બરમાં) અને રોહિત શર્મા (ગયા અઠવાડિયે) પણ આ ફોર્મેટમાંથી નિવૃત્તિ લઈ ચૂક્યા છે.
છેલ્લે ઓસ્ટ્રેલિયા પ્રવાસ દરમિયાન બોર્ડર-ગાવસ્કર ટ્રોફીમાં રમતા જોવા મળ્યો
જમ્મુ-કાશ્મીર અને સરહદને અડીને આવેલા અન્ય વિસ્તારોમાં રવિવારે રાત્રિના સમયે ભારત-પાકિસ્તાન યુદ્ધવિરામની અસર જોવા મળી હતી. ભારત-પાકિસ્તાન સંઘર્ષ અને યુદ્ધવિરામની ઘોષણા બાદ રવિવારે રાત્રે ગોળીબારની કોઈ ઘટના બની ન હતી, જેના કારણે સરહદી વિસ્તારોમાં રહેતા લોકોએ રાહતનો શ્વાસ લીધો હતો. આ દરમિયાન, સેનાએ પણ દાવો કર્યો હતો કે શાંતિ પુનઃસ્થાપિત થઈ ગઈ છે.
તાજેતરના સમયમાં પહેલી રાત જ્યારે શાંતિનો માહોલ જોવા મળ્યો
દેશભરમાં આજે બુદ્ધ પૂર્ણિમાનો તહેવાર ઉજવવામાં આવી રહ્યો છે. રાષ્ટ્રપતિ દ્રૌપદી મૂર્મૂ, ઉપરાષ્ટ્રપતિ જગદીપ ધનખર અને વડાપ્રધાન નરેન્દ્ર મોદી સહિત ઘણા નેતાઓએ દેશવાસીઓને બુદ્ધ પૂર્ણિમાની શુભેચ્છા પાઠવી છે. રાષ્ટ્રપતિ દ્રૌપદી મૂર્મૂએ ટ્વિટર પર લખ્યું કે, "બુદ્ધ પૂર્ણિમાના આ શુભ અવસર પર, હું વિશ્વભરના તમામ દેશવાસીઓ અને ભગવાન બુદ્ધના અનુયાયીઓને હૃદયપૂર્વક શુભેચ્છાઓ પાઠવું છું.
મહાત્મા બુદ્ધનો અહિંસા, પ્રેમ, કરુણાનો સંદેશ સમગ્ર માનવતાના કલ્યાણની ચાવી
હવામાન વિભાગની આગાહી મુજબ, રાજ્યમાં કમોસમી વરસાદ વરસી રહ્યો છે. છેલ્લા 24 કલાકમાં 29 તાલુકામાં વરસાદ નોંધાયો છે. જેમાં સૌથી વધુ દેવભૂમિ દ્વારકાના કલ્યાણપુરમાં 3 ઈંચ જેટલો વરસાદ ખાબકી ચૂક્યો છે. આ ઉપરાંત જૂનાગઢના માળીયા હાટીનામાં પોણા બે ઈંચ, જામનગરના જામજોધપુરમાં દોઢ ઈંચ વરસાદ વરસ્યો હતો. સોમવારે પણ રાજ્યના મોટા ભાગના જિલ્લાઓમાં હળવાથી મધ્યમ વરસાદની આગાહી છે.
કયા-કયા જિલ્લાઓમાં છે કમોસમી વરસાદની આગાહી ?
