વડાપ્રધાન નેતન્યાહૂએ પોતાના ભાષણમાં કહ્યું, "અમે લેબનોનમાં મહાન કાર્યો હાંસલ કર્યા છે. અમે એક રોકેટ સિસ્ટમનો નાશ કર્યો છે જે સમગ્ર દેશ માટે ખતરો ઉભો કરતી હતી. અમે એક સુરક્ષા ક્ષેત્ર બનાવ્યું છે જે ઉત્તર ઇઝરાયલમાં ઘૂસણખોરીને અટકાવે છે અને હવે ટેન્ક વિરોધી મિસાઇલ હુમલાઓને પણ અટકાવે છે. આ અમને લેબનોનમાં પરિસ્થિતિ બદલવાની ક્ષમતા પણ આપે છે.અમે હજુ પણ કાર્યવાહી કરી રહ્યા છીએ. તાત્કાલિક અને ઉભરતા ખતરાઓને રોકવા માટે અમારી પાસે સંપૂર્ણ સ્વતંત્રતા છે. આ તે કરાર છે જે અમે યુએસ અને લેબનીઝ સરકાર સાથે કર્યો છે."

રશિયાની TASS સમાચાર એજન્સીએ પુતિનને ટાંકીને કહ્યું, "અમે તમારા અને પ્રદેશના તમામ લોકો માટે શાંતિની વહેલી તકે સ્થાપના સુનિશ્ચિત કરવા માટે અમારાથી બનતું બધું કરીશું." પુતિને કહ્યું કે ઈરાની લોકો તેમની સ્વતંત્રતા માટે "હિંમત અને બહાદુરીથી" લડી રહ્યા છે. તેમણે આશા વ્યક્ત કરી કે ઈરાની લોકો આ "મુશ્કેલ સમય"માંથી બહાર નીકળશે અને શાંતિ પુનઃસ્થાપિત થશે. તેમણે તેહરાન સાથેના સંબંધોને મજબૂત બનાવવા માટે મોસ્કોની તૈયારી પર પણ પ્રકાશ પાડ્યો.

પશ્ચિમ બંગાળમાં બીજા તબક્કાનો ચૂંટણી પ્રચાર પૂરજોશમાં ચાલી રહ્યો છે..  ભાજપના વરિષ્ઠ નેતાઓએ રાજ્યભરમાં ધુઆંધાર પ્રચાર કર્યો હતો.. જેમાં કેન્દ્રીય ગૃહમંત્રી અમિત શાહે પૂર્વ બર્દવાનના જમાલપુર ખાતે વિશાળ જનસભા સંબોધી હતી.. ત્યારબાદ, તેઓએ હાવડા અને દક્ષિણ કોલકાતામાં ભવ્ય રોડ શો યોજ્યો હતો.. તો, કેન્દ્રિય રક્ષામંત્રી રાજનાથ સિંહે હુગલીમાં જાહેર સભાને સંબોધી હતી.. જ્યારે, કેન્દ્રીય આરોગ્ય મંત્રી જે.પી. નડ્ડા અને ઉત્તર પ્રદેશના મુખ્યમંત્રી યોગી આદિત્યનાથે બર્ધમાન અને ઉત્તર 24 પરગણામાં ચૂંટણી રેલીઓ યોજી હતી..

પીએમ મોદીએ નીતિ આયોગના નવનિયુક્ત ઉપાધ્યક્ષ ડૉ. અશોક કુમાર લાહિરીને વાઇસ ચેરમેન બનવા બદલ અભિનંદન પાઠવ્યા હતા. પ્રધાનમંત્રી નરેન્દ્ર મોદીએ કહ્યું કે, સંસ્થા વિવિધ ક્ષેત્રોમાં નવીનતા અને લાંબા ગાળાની વ્યૂહરચના બનાવવા માટે ગતિશીલ પ્લેટફોર્મ તરીકે કામ કરી રહી છે. સોશિયલ મીડિયા પ્લેટફોર્મ પર પોસ્ટ શેર કરતા તેમણે લખ્યું કે, "સરકારે નીતિ આયોગનું પુનર્ગઠન કર્યું છે. અશોકકુમાર લાહિરીને વાઇસ ચેરમેન બનવા બદલ મારી શુભેચ્છાઓ. ઉપરાંત, રાજીવ ગૌબા, પ્રો. કે.વી.રાજુ, પ્રો. ગોબર્ધનદાસ, પ્રો. અભય કરંદીકર અને ડૉ. એમ. શ્રીનિવાસને પૂર્ણ-સમયના સભ્યો બનવા બદલ અભિનંદન."

પંજાબ કિંગ્સે ઈતિહાસનો સૌથી મોટો ટાર્ગેટ ચેઝ કર્યો છે. દિલ્હી કેપિટલ્સ સામે સાત બોલ બાકી રાખીને 265 રન બનાવ્યા છે અને દિલ્હીને 6 વિકેટથી હરાવ્યું છે. 'સરપંચ' શ્રેયસે વિસ્ફોટ 71 રનની શાનદાર ઇનિંગ રમીને ટીમને જીત આપવી છે..

કેન્દ્રીય નાણામંત્રી નિર્મલા સીતારમણે શનિવારે KYC પ્રક્રિયામાં મોટા ફેરફારો કરવાની હાકલ કરી હતી. તેમણે SEBIને સમગ્ર નાણાકીય વ્યવસ્થામાં KYCને સરળ બનાવવા અને એકસમાન બનાવવા માટે પગલાં લેવા આગ્રહ કર્યો હતો. SEBIના 38મા સ્થાપના દિવસના કાર્યક્રમમાં નાણામંત્રીએ કહ્યું કે, એક એવી KYC સિસ્ટમ હોવી જોઈએ જે સરળ, સુરક્ષિત અને તમામ પ્લેટફોર્મ પર કાર્ય કરે. વર્તમાન સિસ્ટમ લોકો માટે સમસ્યાઓ ઊભી કરે છે કારણ કે તેમને વિવિધ સ્થળોએ વારંવાર એક જ દસ્તાવેજો અને માહિતી પૂરી પાડવા પડે છે.

કેન્દ્રીય નાણામંત્રી નિર્મલા સીતારમણે શું કહ્યું ?

ઈરાન અને યુનાઇટેડ સ્ટેટ્સ ફરીથી મંત્રણા માટે તૈયાર જોવા મળી રહ્યા છે, જોકે આ વખતે તેઓ સીધી મંત્રણા નહીં પરંતુ એકબીજાથી દૂર રહીને અને બીજા સ્તરના પ્રતિનિધિઓ થકી મંત્રણા કરી શકે છે. ઈરાની પ્રતિનિધિમંડળ પાકિસ્તાન પહોંચ્યું છે, જ્યારે USની ટીમ શનિવારે ત્યાં પહોંચવાની અપેક્ષા છે.

અમદાવાદ જિલ્લામાં આવતીકાલે યોજાનારી સ્થાનિક સ્વરાજની ચૂંટણીઓ માટે વહીવટી તંત્ર સંપૂર્ણપણે સજ્જ થઈ ગયું છે. જિલ્લા કલેક્ટર અને મુખ્ય ચૂંટણી અધિકારી સુજીત કુમારે વિવિધ રિસીવિંગ-ડિસ્પેચિંગ સેન્ટરોની રૂબરૂ મુલાકાત લઈને કામગીરીની ઝીણવટભરી સમીક્ષા કરી હતી. તેમણે EVM સ્ટોરેજ, સ્ટાફની ફાળવણી અને કેન્દ્રો પરની પાયાની સુવિધાઓનું નિરીક્ષણ કરી મતદાન પ્રક્રિયા મુક્ત અને ન્યાયી વાતાવરણમાં સંપન્ન થાય તે માટે જરૂરી માર્ગદર્શન આપ્યું હતું.

28 રિસીવિંગ અને ડિસ્પેચિંગ કેન્દ્રો કાર્યરત

IPL 2026ની 35મી મેચ દિલ્હી કેપિટલ્સ અને પંજાબ કિંગ્સ વચ્ચે રમાઈ રહી છે... અરુણ જેટલી સ્ટેડિયમમાં દિલ્હીએ ટોસ જીતીને પહેલા બેટિંગ લીધી અને પંજાબને 265 રનનો ટાર્ગેટ આપ્યો... કે.એલ.રાહુલ અને નીતિશ રાણાએ શાનદાર ઇનિંગ રમી...  પોઈન્ટ ટેબલમાં પંજાબ કિંગ્સ 6 મેચમાં 11 પોઈન્ટ સાથે ટોપ પર છે. ટીમે 5 મેચ જીતી છે, જ્યારે કોલકાતા સામેની એક મેચ વરસાદને કારણે ધોવાઈ ગઈ હતી. બીજી તરફ, દિલ્હી કેપિટલ્સ 6 મેચમાં 3 જીત અને 3 હાર સાથે છઠ્ઠા સ્થાને છે.

કે.એલ.રાહુલ અને નીતિશ રાણા વચ્ચે શાનદાર ઇનિંગ

IPLની 36મી મેચમાં રાજસ્થાન રોયલ્સ અને સનરાઇઝર્સ હૈદરાબાદ વચ્ચે મુકાબલો જોવા મળશે... જયપુરના સવાઈ માનસિંહ સ્ટેડિયમમાં રમાનારી આ મેચ સાંજે 7:30 વાગ્યે રમાશે. બંને ટીમ આ સીઝનમાં બીજી વખત આમને-સામને આવશે. આ પહેલા 13 એપ્રિલે રમાયેલી મેચમાં હૈદરાબાદે રાજસ્થાનને 57 રને હરાવ્યું હતું. આ સીઝનમાં બંને ટીમની આ આઠમી મેચ હશે. રાજસ્થાને 7માંથી 5 અને હૈદરાબાદે 4 મેચ જીતી છે. SRH તેની છેલ્લી ત્રણેય મેચ સતત જીત્યું છે.

કોની કેવી પરિસ્થિતિ ?