ચમોલી પોલીસ અને ચારધામ પોલીસ કંટ્રોલ રૂમે મુસાફરો અને શ્રદ્ધાળુઓને આ અંગે જાણ કરી છે. રવિવાર મોડી રાતથી સતત વરસાદને કારણે રસ્તા પર કાટમાળ અને પથ્થરો પડી રહ્યા છે, જેના કારણે રસ્તો ખોલવાના કામમાં અવરોધ આવી રહ્યો છે. વહીવટીતંત્ર દ્વારા રાહત કાર્ય ચાલુ છે, પરંતુ સતત પથ્થરો પડતાં મુશ્કેલીઓનો સામનો કરવો પડી રહ્યો છે. ચમોલી પોલીસે તેના સત્તાવાર સોશિયલ મીડિયા પ્લેટફોર્મ 'X' પર લખ્યું, "સતત વરસાદને કારણે ભાનેરપાણી (પીપલકોટી) નજીક બદ્રીનાથ રાષ્ટ્રીય ધોરીમાર્ગ બંધ કરવામાં આવ્યો છે. રસ્તો ખોલવાનું કામ ચાલી રહ્યું છે, પરંતુ ટેકરી પરથી સતત પથ્થરો પડવાને કારણે કામમાં અવરોધ આવી રહ્યો છે."

અમદાવાદમાં આગામી 27મી જૂનના રોજ ભગવાન જગન્નાથની 148મી રથયાત્રા યોજાશે. આ રથયાત્રા માટે તંત્ર દ્વારા તૈયારીઓ પૂરજોશમાં શરૂ કરી દેવામાં આવી છે. ત્યારે અમદાવાદ પોલીસ દ્વારા પણ ચુસ્ત પોલીસ બંદોબસ્ત ગોઠવવામાં આવશે. શહેર પોલીસ કમિશનર જી.એસ.મલિકે જગન્નાથ મંદિરની મુલાકાત લઈ રથયાત્રાના રૂટનું નિરીક્ષણ કર્યું હતું. કોઈ પણ પ્રકારની સુરક્ષામાં ચૂક રહે નહીં તે પ્રકારની શહેર પોલીસ દ્વારા વ્યવસ્થા કરવામાં આવશે, તો તારીખ 24 અને 25 જૂનના રોજ સવારે 6 વાગ્યે મુખ્ય રિહર્સલ કરવામાં આવશે.

વડાપ્રધાન નરેન્દ્ર મોદી, ભાજપના રાષ્ટ્રીય અધ્યક્ષ જે.પી.નડ્ડા અને અન્ય લોકોએ મહાન શિક્ષણશાસ્ત્રી, પ્રખર રાષ્ટ્રવાદી વિચારક, ભારતીય જનસંઘના સ્થાપક ડૉ. શ્યામા પ્રસાદ મુખર્જીને તેમના બલિદાન દિવસ પર શ્રદ્ધાંજલિ આપી હતી. PM મોદીએ સોશિયલ મીડિયા પ્લેટફોર્મ X પર પોસ્ટ કરી રાષ્ટ્ર નિર્માણમાં ડૉ. શ્યામા પ્રસાદ મુખર્જીના યોગદાનને યાદ કરતા સોશિયલ મીડિયા પ્લેટફોર્મ X પર પોસ્ટ કરી. તેમણે પોસ્ટમાં લખ્યું કે, "ડૉ. શ્યામા પ્રસાદ મુખર્જીને તેમના બલિદાન દિવસ પર હૃદયપૂર્વક સલામ. તેમણે દેશની અખંડિતતાને અકબંધ રાખવા માટે અજોડ હિંમત અને પુરુષાર્થ દર્શાવ્યો.

પાકિસ્તાને ઈરાન મુદ્દા પર અમેરિકાને મોટો ઝટકો આપ્યો છે. પાકિસ્તાનના લશ્કરી વડા અસીમ મુનીર તાજેતરમાં અમેરિકી પ્રમુખ ડોનાલ્ડ ટ્રમ્પને મળ્યા હતા. પાકિસ્તાનમાં વાસ્તવિક શક્તિ સેના પાસે છે તેવું માનીને, ડોનાલ્ડ ટ્રમ્પે બુધવારે વ્હાઇટ હાઉસમાં મુનીરનું સ્વાગત કર્યું હતું. વોશિંગ્ટનમાં અસીમ મુનીર માટે જબરદસ્ત વ્યવસ્થા કરવામાં આવી હતી. જેનાથી ઈસ્લામાબાદ અને વોશિંગ્ટન વચ્ચે નિકટતા વધવાની અટકળો શરૂ થઈ હતી. જોકે, ઈરાનના મુદ્દા પર સુરક્ષા પરિષદમાં અમેરિકા વિરુદ્ધ જઈને પાકિસ્તાને ચીન અને રશિયાને ટેકો આપ્યો છે.

ઈરાન અને ઈઝરાયલ વચ્ચે ચાલી રહેલા તણાવમાં અમેરિકાની એન્ટ્રી બાદ હવે ઈરાન અને અમેરિકામાં શાબ્દિક યુદ્ધ શરૂ થઈ ગયું છે. ઈરાનના સર્વોચ્ચ નેતા અલી ખામેનીએ અમેરિકાને ધમકી આપતા ચાલી રહેલા સંઘર્ષથી દૂર રહેવાની ચેતવણી આપી છે. ઈરાને કહ્યું છે કે, જો અમેરિકા બંને દેશો વચ્ચે ચાલી રહેલા સંઘર્ષમાં સતત હસ્તક્ષેપ કરશે તો અમેરિકાને પણ ગંભીર પરિણામો ભોગવવા પડશે, તો અમેરિકાના પ્રમુખ ડોનાલ્ડ ટ્રમ્પે ઈરાનના ત્રણ મુખ્ય લશ્કરી સ્થળો પર અમેરિકાના હુમલા બાદ ઈરાનમાં શાસન પરિવર્તનના સંકેત આપ્યા છે.

ગૃહમંત્રી અમિત શાહ આજે સોમવારથી કાશીની બે દિવસની મુલાકાતે છે, જ્યાં તેઓ કેન્દ્રીય પ્રાદેશિક પરિષદની બેઠકમાં ભાગ લેશે. આ દરમિયાન મુખ્યમંત્રી યોગી આદિત્યનાથ તેમનું સ્વાગત કરશે. કેન્દ્રીય ગૃહમંત્રી અમિત શાહ સોમવારના રોજ કેન્દ્રીય પ્રાદેશિક પરિષદની બેઠકની અધ્યક્ષતા માટે બે દિવસની મુલાકાતે વારાણસી પહોંચશે.

કેન્દ્રીય પેટ્રોલિયમ અને કુદરતી ગેસ મંત્રી હરદીપસિંહ પુરીએ કહ્યું છે કે, સરકાર છેલ્લા 2 અઠવાડિયાથી પશ્ચિમ એશિયાની પરિસ્થિતિ પર નજીકથી નજર રાખી રહી છે. પ્રધાનમંત્રી નરેન્દ્ર મોદીના નેતૃત્વમાં, છેલ્લા કેટલાક વર્ષોમાં દેશની પુરવઠા વ્યવસ્થામાં વૈવિધ્યીકરણ કરવામાં આવ્યું છે.  ઈરાની સંસદ દ્વારા હોર્મુઝ સ્ટેટ બંધ કરવાના નિર્ણય બાદ હરદીપ સિંહ પુરીએ કહ્યું કે, ભારત પાસે પર્યાપ્ત તેલ ભંડાર છે. બળતણનો પુરવઠો સુનિશ્ચિત કરવા માટે સરકાર દરેક આવશ્યક પગલા લેશે.

દેશમાં ઈંધણ અંગે હરદીપસિંહ પુરીએ શું કહ્યું ?

કડી અને વિસાવદર વિધાનસભાની પેટાચૂંટણીનું આજે પરિણામ જાહેર થવા જઈ રહ્યું છે, આ પરિણામ ગુજરાતના રાજકારણમાં એક નવો વળાંક લાવી શકે છે. આ બંને બેઠકો પર પેટાચૂંટણીના મતદાનમાં ત્રિપાંખિયો જંગ જામ્યો હતો, જેમાં ભાજપ, આમ આદમી પાર્ટી અને કોંગ્રેસના ઉમેદવારો વચ્ચે કાંટે કી ટક્કર જોવા મળી હતી. મહેસાણાના કડીમાં 57.90 ટકા અને જુનાગઢના વિસાવદરમાં 56.89 ટકા મતદાન નોંધાયું હતું. જેમાં વિસાવદરના પરિણામ પર સૌ કોઈની નજર રહેશે. કારણ કે, વિસાવદરમાં ભાજપના કિરીટ પટેલ અને AAPના ગોપાલ ઈટાલીયા વચ્ચે જંગ રહેલો છે, જ્યારે કડીમાં ભાજપના રાજેન્દ્ર ચાવડા સામે કોંગ્રેસના રમેશ ચાવડા છે. 

ગુજરાતમાં તારીખ 16મી જૂને ચોમાસાનો સતાવાર પ્રવેશ થયા બાદ આઠ દિવસમાં જ આખા રાજ્યને કવર કરી લીધું છે. આઠ દિવસમાં રાજ્યમાં સિઝનનો સરેરાશ 16 ટકા વરસાદ વરસી ચૂક્યો છે. હવામાન વિભાગે આગામી સાત દિવસ રાજ્યમાં મેઘમહેરની આગાહી કરી છે. હવામાન વિભાગે આજે 23 જૂનના રોજ 12 જિલ્લામાં વરસાદનું ઓરેન્જ એલર્ટ આપ્યું છે. અમરેલી, ભાવનગર, બોટાદ, અરવલ્લી, મહીસાગર, આણંદ, પંચમહાલ, દાહોદ, વડોદરા, ભરૂચ, નવસારી અને વલસાડમાં ભારે વરસાદની આગાહી કરવામાં આવી છે. રવિવારે પણ રાજ્યમાં મેઘરાજાની ધમાકેદાર બેટિંગ જોવા મળી હતી. 150થી વધુ તાલુકાઓમાં વરસાદે હાજરી પુરાવી હતી.

કેન્દ્રીય ગૃહ અને સહકારી મંત્રી અમિત શાહ મહારાષ્ટ્રની મુલાકાતે છે. મુંબઈ ખાતે આંતરરાષ્ટ્રીય સહકારી વર્ષ નિમિત્તે અમિત શાહ રાષ્ટ્રીય સેમિનારમાં ઉપસ્થિત રહ્યા હતા.તેમણે જણાવ્યું હતું કે,પ્રધાનમંત્રી મોદીએ આપણા ખેડૂતોને સશક્ત બનાવવા માટે સહકાર મંત્રાલયની સ્થાપના કરી છે.આજે ભારતના સહકાર મંત્રાલય અને દરેક રાજ્યના સહકારી રજિસ્ટ્રાર પાસે કયા ગામમાં કેટલી સહકારી સંસ્થાઓ છે તેનો ડેટા છે. હવે અમે દેશભરમાં 2 લાખ નવી પ્રાથમિક કૃષિ ધિરાણ સોસાયટી બનાવવા જઈ રહ્યા છીએ. તેમણે કહયું કે રાષ્ટ્રીય કૃષિ સહકારી માર્કેટિંગ ફેડરેશન ઓફ ઈન્ડિયા-NAFED ટૂંક સમયમાં ખેડૂતો પાસેથી સીધી ખરીદી શરૂ કરશે.