UAEના અર્થતંત્ર અને પર્યટન મંત્રી અબ્દુલ્લા બિન તૌક અલ મારીના નેતૃત્વમાં પ્રતિનિધિમંડળે સંસદ ભવનમાં લોકસભા સ્પીકર ઓમ બિરલા સાથે મુલાકાત કરી.... બંને પક્ષોએ ભારત-UAE સંબંધોને વધુ મજબૂત બનાવવા અને પરસ્પર સહયોગને આગળ વધારવાના માર્ગો પર ચર્ચા કરી...
ઓમ બિરલાએ ભાગીદારીને મજબૂત બનાવવાની પ્રતિબદ્ધતા વ્યક્ત કરી
કેન્દ્રીય કર્મચારી, જાહેર ફરિયાદ અને પેન્શન રાજ્યમંત્રી ડૉ. જિતેન્દ્ર સિંહે સોમવારે પેન્શન નિયમોની વ્યાપક સમીક્ષાની જરૂરિયાત પર ભાર મૂક્યો અને કહ્યું કે, બદલાતી સામાજિક પરિસ્થિતિઓને અનુરૂપ નીતિગત સુધારા કરવા જોઈએ, જેથી પેન્શન સંબંધિત વિવાદો કોર્ટમાં ન પહોંચે. તેમણે કહ્યું કે, સરકારનું લક્ષ્ય મુકદ્દમા-મુક્ત, સરળ અને નાગરિક-કેન્દ્રિત પેન્શન સિસ્ટમ વિકસાવવાનું છે.
રાષ્ટ્રીય કાર્યશાળામાં ખાસ ઝુંબેશનો પ્રારંભ
રાષ્ટ્રપતિ દ્રૌપદી મુર્મૂની મોલ્ડોવાની મુલાકાત દરમિયાન ભારત અને મોલ્ડોવા વેપાર, રોકાણ, સપ્લાય ચેઇન અને કનેક્ટિવિટીના ક્ષેત્રોમાં સહયોગને મજબૂત બનાવવા સંમત થયા હતા. ચિસિનાઉમાં રાષ્ટ્રપતિ મહેલમાં મોલ્ડોવાના રાષ્ટ્રપતિ માયા સેન્ડુ સાથે દ્વિપક્ષીય વાટાઘાટો બાદ બોલતા, રાષ્ટ્રપતિ મુર્મૂએ કહ્યું કે, બંને દેશોએ આર્થિક સહયોગ તેમજ અનેક વ્યૂહાત્મક ક્ષેત્રોમાં ભાગીદારીને વધુ ગાઢ બનાવવાનો નિર્ણય લીધો છે.
પ્રથમ રાજ્ય મુલાકાત, સંબંધોમાં એક ઐતિહાસિક સીમાચિહ્નરૂપ
મુખ્યમંત્રી ભૂપેન્દ્ર પટેલના 'નશા-મુક્ત ગુજરાત'ના સંકલ્પને વધુ દ્રઢ બનાવવાના ભાગરૂપે રાજ્યના નાયબ મુખ્યમંત્રી હર્ષ સંઘવી ભરૂચના દહેજ ખાતે 'એન્વાયરો ઇન્ફ્રાસ્ટ્રક્ચર લિમિટેડ' દ્વારા આયોજિત ડ્રગ્સ નાબૂદી કાર્યક્રમમાં વિશેષ ઉપસ્થિત રહ્યા હતા... આ કાર્યક્રમમાં રાજ્યના 24 એકમો દ્વારા કુલ 867 ગુનાઓમાં જપ્ત કરવામાં આવેલ રૂ.2153 કરોડની કિંમતનો નાર્કોટિક્સ જથ્થો નાશ કરવામાં આવ્યો હતો....
દેશભરમાં વાહન માલિકીની તબદીલી અને નો-ઓબ્જેક્શન સર્ટિફિકેટ-NOC મેળવવાની પ્રક્રિયાને વધુ પારદર્શક, સુરક્ષિત અને સરળ બનાવવાના હેતુથી ભારત સરકાર દ્વારા પરિવહન પોર્ટલ પર મહત્વપૂર્ણ સુધારો કરવામાં આવ્યો... આ નવી વ્યવસ્થા અંતર્ગત હવે વાહનની માલિકી ફેરફાર અને અન્ય રાજ્યોમાં વાહન તબદીલ કરવાના કિસ્સામાં પરિવહન પોર્ટલ પર આધાર કાર્ડ લિંક કરવું ફરજિયાત કરવામાં આવ્યું છે.... ગુજરાત સહિત દેશભરમાં આ નિર્ણયનો અમલ તારીખ 15 જુલાઈથી કરી દેવામાં આવ્યો છે.
ગુજરાતમાં ચાંદીપુરા વાયરસ કેસની વર્તમાન પરિસ્થિતિને ધ્યાને રાખીને આરોગ્ય મંત્રી પ્રફુલ પાનશેરિયાની અધ્યક્ષતામાં સમીક્ષા બેઠક યોજાઈ હતી... આ બેઠકમાં રાજ્યના વિવિધ જિલ્લાઓમાં નોંધાયેલા કેસોની ભૌગોલિક સ્થિતિ, વાયરસના ફેલાવાના કારણો, લેબોરેટરી ટેસ્ટિંગ અને વહીવટી તંત્ર દ્વારા હાથ ધરવામાં આવેલા પગલાઓની ઊંડાણપૂર્વક સમીક્ષા કરવામાં આવી હતી.
મધ્ય પૂર્વમાં સંકટ વચ્ચે સોમવારે ભારતીય શેરબજાર ઘટાડા સાથે બંધ થયા. દિવસના અંતે સેન્સેક્સ 442.93 પોઈન્ટ અથવા 0.57 ટકા ઘટીને 77,708.52 પર બંધ થયો અને નિફ્ટી 95.80 પોઈન્ટ અથવા 0.39 ટકા ઘટીને 24,238.50 પર બંધ થયો.
ફાઇનાન્શિયલ શેરોના શેર બજારમાં ઘટાડા તરફ દોરી ગયા. નિફ્ટી પ્રાઇવેટ બેંકના શેર 2.27 ટકા તો નિફ્ટી ફાઇનાન્શિયલ સર્વિસીસના શેર 1.22 ટકા ઘટાડા સાથે સૌથી વધુ નુકસાનકર્તા રહ્યા હતા. નિફ્ટી સર્વિસીસ, નિફ્ટી ઓટો, નિફ્ટી IT અને નિફ્ટી રિયલ્ટી પણ લાલ નિશાનમાં બંધ થયા.
રાષ્ટ્રપતિ દ્રૌપદી મુર્મૂ સોમવારે મોલ્ડોવા, ઉત્તર મેસેડોનિયા અને રોમાનિયાના તેમના પ્રવાસના પ્રથમ તબક્કામાં ચિસિનાઉ પહોંચ્યા હતા. ભારતીય રાષ્ટ્રપતિ દ્વારા મોલ્ડોવાની આ પહેલી મુલાકાત છે અને તેને બંને દેશો વચ્ચેના સંબંધોમાં ઐતિહાસિક સીમાચિહ્નરૂપ માનવામાં આવી રહ્યું છે.
મોલ્ડોવાની રાજધાની ચિસિનાઉના આંતરરાષ્ટ્રીય એરપોર્ટ પર નાયબ વડા પ્રધાન અને વિદેશ પ્રધાન મિહાઈ પોપસોઈએ રાષ્ટ્રપતિ મુર્મૂનું ઉષ્માભર્યું સ્વાગત કર્યું. રાષ્ટ્રપતિ સચિવાલયે X પર પોસ્ટમાં આ જાહેરાત કરી. મોલ્ડોવાના રાષ્ટ્રપતિ માયા સેન્ડુના આમંત્રણ પર ત્રણ દેશોના પ્રવાસના પ્રથમ તબક્કામાં રાષ્ટ્રપતિ મુર્મૂ ચિસિનાઉ ગયા હતા.
જામનગર શહેરમાં ચાંદીપુરા વાયરસને લઈને શંકાસ્પદ તરીકે નોંધાયેલા બે બાળકોના લેબોરેટરી રિપોર્ટ નેગેટિવ આવતાં આરોગ્ય તંત્ર સહિત શહેરવાસીઓએ રાહતનો શ્વાસ લીધો.... ગણપતનગર અને રવિપાર્ક વિસ્તારમાંથી મળેલા બંને શંકાસ્પદ બાળકોના સેમ્પલો તપાસ માટે લેબોરેટરીમાં મોકલવામાં આવ્યા હતા, જેના રિપોર્ટ નેગેટિવ હોવાનું સ્પષ્ટ થયું છે.
ઉત્તરાખંડના મુખ્યમંત્રી પુષ્કર સિંહ ધામી પણ વીડિયો કોન્ફરન્સિંગ દ્વારા આ કાર્યક્રમમાં જોડાયા હતા. નવી ટ્રેન કુમાઉ અને ગઢવાલ પ્રદેશો વચ્ચે રેલ કનેક્ટિવિટીને મજબૂત બનાવશે અને લાંબા સમયથી ચાલી આવતી માંગણીને પૂર્ણ કરશે.
આ ટ્રેન અઠવાડિયામાં બે દિવસ દોડશે.
