રશિયા દ્વારા જારી કરાયેલા એક સત્તાવાર નિવેદનમાં નોંધાયું છે કે નાયબ  પ્રધાનમંત્રી નોવાકે ઉર્જા મંત્રાલય, ફેડરલ એન્ટિમોનોપોલી સર્વિસ, સેન્ટ પીટર્સબર્ગ એક્સચેન્જ અને ઔદ્યોગિક કંપનીઓના પ્રતિનિધિઓ સાથે બેઠક યોજી હતી. બેઠક દરમિયાન પરિસ્થિતિની સમીક્ષા અને ચર્ચા બાદ આ પગલું અપનાવવામાં આવ્યું હતું.આ બાબતથી પરિચિત બે સ્ત્રોતોને ટાંકીને, રાજ્ય સંચાલિત સમાચાર એજન્સી TASS એ અહેવાલ આપ્યો છે કે રશિયા દ્વારા આ પગલા પાછળનો ઉદ્દેશ્ય સ્થાનિક ઇંધણના ભાવને સ્થિર કરવાનો છે. બેઠક દરમિયાન, નોવાકે ભાર મૂક્યો હતો કે તેલ અને પેટ્રોલિયમ ઉત્પાદનો માટે વૈશ્વિક બજારમાં હાલમાં નોંધપાત્ર અસ્થિરતાનો અનુભવ થઈ રહ્યો છે.

સમગ્ર દુનિયામાં વિકાસ મુદ્દે હવે એક વાતનો સ્વીકાર થઈ રહ્યો છે.  ‘Think Global , Act Local’  એટલે કે તમે વિચારો વૈશ્વિક સ્તરનું, પરંતુ સ્થાનિક પરિસ્થિતિને અનુકુળ થઈને પગલાં ભરો. હાલ વિશ્વમાં ઉર્જા કટોકટીની પરિસ્થિતિ છે ત્યારે ગુજરાત ઉર્જા ક્ષેત્રે પથદર્શક કામગીરી કરી રહ્યું છે. ગુજરાતના પાટનગર ગાંધીનગર પાસે આવેલા અડાલજમાં ચાલતી એક સંસ્થાએ પ્રેરણારૂપ કામગીરી કરી રહી છે.

સંસ્થાની પ્રેરણારૂપ કામગીરી

વડોદરા રેલવે સ્ટેશન હવે પ્રવાસીઓ માટે માત્ર મુસાફરીનું માધ્યમ નહીં, પરંતુ અત્યાધુનિક સુવિધાઓનું કેન્દ્ર બની ગયું છે. વડોદરાના સાંસદ ડૉ. હેમાંગ જોષીના વરદ હસ્તે રાજ્યના પ્રથમ 'ડિજિટલ લાઉન્જ'નું ઉદ્ઘાટન કરવામાં આવ્યું છે, જે રેલવે મુસાફરોને એરપોર્ટ જેવો ભવ્ય અને આરામદાયક અનુભવ કરાવશે. પશ્ચિમ રેલવેએ હાથ ધરેલી આ પહેલનો મુખ્ય હેતુ પ્રવાસીઓને રાહ જોવાના સમય દરમિયાન ઉચ્ચ કક્ષાની સગવડો પૂરી પાડવાનો છે. આ ડિજિટલ લાઉન્જમાં એકસાથે ૨૫ જેટલા પ્રવાસીઓ માટે બેસવાની આધુનિક વ્યવસ્થા કરવામાં આવી છે, જે લાંબી મુસાફરી પહેલા કે પછીના થાકને દૂર કરવામાં મદદરૂપ થશે.

ગુજરાતના પવિત્ર અને ઐતિહાસિક દરિયાકાંઠે આવેલા માધવપુર (ઘેડ) ખાતે પરંપરાગત મેળાનો કેબિનેટ મંત્રી અર્જૂન મોઢવાડિયાની ગરિમામય ઉપસ્થિતિમાં ભવ્ય પ્રારંભ થયો છે. આ અવસરે વિવિધ સાંસ્કૃતિક કાર્યક્રમોની પ્રસ્તુતિ સાથે મેળાની રોનકમાં વધારો થયો હતો. મંત્રીએ આ પ્રસંગે માધવપુરવાસીઓ અને મેળામાં ઉમટી પડેલા શ્રદ્ધાળુઓને હાર્દિક શુભકામનાઓ પાઠવતા કહ્યું કે, રાજ્ય સરકાર દ્વારકાથી સોમનાથ સુધીની દરિયાઈ પટ્ટી પર આવેલા તમામ ધાર્મિક અને આધ્યાત્મિક પ્રવાસન સ્થળોના સર્વાંગી વિકાસ માટે સંપૂર્ણ કટીબદ્ધ છે.

પશ્ચિમ એશિયા સંઘર્ષ વચ્ચે અમેરિકી વિદેશ મંત્રી માર્કો રુબિયોનું મહત્વનું નિવેદન આપ્યું છે. અમેરિકી વિદેશ મંત્રી માર્કો રુબિયોએ આશા વ્યક્ત કરી કે, ઈરાન વિરુદ્ધ અમેરિકાનું સૈન્ય અભિયાન કેટલાક અઠવાડિયામાં જ સમાપ્ત થઈ જશે. માર્કો રુબિયોએ કહ્યું કે, તેમને એવું નથી લાગતું કે આ મહિનાઓ સુધી ચાલવાનું છે. સાથે જ, રુબિયોએ જમીની સૈનિકોનો ઉપયોગ કર્યા વગર પોતાના તમામ ઉદ્દેશ્યો પૂરા કરવાની પણ વાત કહી છે.

 નેપાળમાં ગત વર્ષે થયેલા હિંસક 'GenZ' પ્રદર્શનમાં કથિત સંડોવણીના આરોપસર નેપાળના ભૂતપૂર્વ વડાપ્રધાન કે.પી.શર્મા ઓલીની ધરપકડ કરવામાં આવી છે. દેશના સૌથી યુવા પ્રધાનમંત્રી તરીકે બાલેન્દ્ર શાહના શપથ લીધાના એક દિવસ બાદ જ તેમની ધરપકડ કરવામાં આવી છે. ભક્તપુર જિલ્લા પોલીસ રેન્જના વડા, પોલીસ અધિક્ષક સૂર્ય બહાદુર ખડકાનું કહેવું છે કે, ભૂતપૂર્વ વડાપ્રધાનની તેમના નિવાસસ્થાનેથી ધરપકડ કરવામાં આવી હતી. ભૂતપૂર્વ ગૃહપ્રધાન રમેશ લેખકને પણ ઓલીની સાથે કસ્ટડીમાં લેવામાં આવ્યા છે.

પ્રધાનમંત્રી નરેન્દ્ર મોદી આજે ઉત્તર પ્રદેશના જેવરમાં બહુપ્રતિક્ષિત નોઈડા આંતરરાષ્ટ્રીય એરપોર્ટનું ઉદ્ઘાટન કરશે, જે ભારતના ઉડ્ડયન ક્ષેત્ર માટે મહત્વપૂર્ણ સીમાચિહ્નરૂપ છે. પીએમ મોદી સવારે લગભગ 11:30 વાગ્યે ગૌતમ બુદ્ધ નગરના જેવર પહોંચવાના છે, જ્યાં તેઓ ટર્મિનલ બિલ્ડિંગનું નિરીક્ષણ કરશે. ત્યારબાદ ઔપચારિક ઉદ્ઘાટન અને બપોરે જાહેર સંબોધન કરશે, જેમાં પ્રોજેક્ટના મહત્ત્વ અને ભવિષ્યની કાર્યવાહીની રૂપરેખા આપવામાં આવશે. પ્રધાનમંત્રી મોદીએ શુક્રવારે ઉત્તર પ્રદેશના જેવર ખાતે નોઈડા આંતરરાષ્ટ્રીય વિમાનમથકની તસવીરો શેર કરી, જેમાં પ્રાદેશિક જોડાણ માટે તેના મહત્ત્વ પર પ્રકાશ પાડવામાં આવ્યો. 

આજથી ઈન્ડિયન પ્રીમીયર લીગનો રોમાંચ શરૂ થવા જઈ રહ્યો છે. બેંગલુરુના ચિન્નાસ્વામી સ્ટેડિયમમાં IPLની 19મી આવૃત્તિની શરૂઆત થશે. પ્રથમ મેચમાં ચેમ્પિયન RCBનો સામનો સનરાઈઝર્સ હૈદરાબાદ સામે થશે. આ સીઝનમાં પણ 10 ટીમો ભાગ લઈ રહી છે અને કુલ 70 લીગ સ્પર્ધા થશે. જે દેશના 13 અલગ-અલગ સ્થળો પર આયોજિત થશે. તમામ 10 ટીમો લીગ સ્ટેજમાં 14-14 સ્પર્ધા રમાશે અને મુખ્ય ચાર ટીમો પ્લેઓફમાં પહોંચશે. 2026નો પહેલો ફેઝ 28 માર્ચથી લઈને 12 એપ્રિલ સુધી ચાલશે, પછી બીજો ફેઝ 13 એપ્રિલથી શરૂ થશે અને 24 મે સુધી ચાલુ રહેશે. પહેલા ફેઝમાં 20 અને બીજા ફેઝમાં 50 સ્પર્ધા થશે.આ સીઝનમાં કુલ 12 ડબલ હેડર સ્પર્ધા યોજાશે. 

નાયબ મુખ્યમંત્રી હર્ષ સંઘવીના હસ્તે ગુજરાત રાજ્ય માર્ગ વાહનવ્યવહાર નિગમ અને મેસર્સ કતીરા કન્સ્ટ્રક્શન પ્રા.લિ. દ્વારા પબ્લિક પ્રાઇવેટ પાર્ટનરશિપ મોડલ હેઠળ પાટણ ખાતે નિર્મિત આધુનિક બસપોર્ટનું લોકાપર્ણ કરવામાં આવ્યું હતું. નાયબ મુખ્યમંત્રી હર્ષ સંઘવીએ રીબીન કાપી આઇકોનિક બસ પોર્ટની તકતીનું અનાવરણ કર્યું હતું. આ અવસરે નાયબ મુખ્યમંત્રી હર્ષ સંઘવીએ જિલ્લાને ત્રણ નવીન AC બસો આપવાની જાહેરાત કરી હતી. બસપોર્ટના લોકાર્પણ બાદ નાયબ મુખ્યમંત્રી હર્ષ સંઘવી નગરદેવી કાલિકા માતાજીના મંદિર પહોંચ્યા હતા, જ્યાં તેમણે માતાજીની પૂજા અર્ચન કરી આશિર્વાદ મેળવ્યા હતા.

પશ્ચિમ એશિયામાં ઉભરતા સંકટને ધ્યાનમાં રાખીને PM મોદીએ શુક્રવારે વીડિયો કોન્ફરન્સના માધ્યમથી તમામ રાજ્યોના મુખ્યમંત્રીઓ અને કેન્દ્રશાસિત પ્રદેશોના ઉપરાજ્યપાલો સાથે મહત્વપૂર્ણ બેઠક યોજી હતી. આ બેઠકમાં વર્તમાન પરિસ્થિતિની સમીક્ષા કરવામાં આવી હતી અને દેશની તૈયારી, પુરવઠા શૃંખલા, ઉર્જા સુરક્ષા અને તેના નાગરિકોના હિતોનું રક્ષણ કરવા અંગે વ્યાપક ચર્ચા કરવામાં આવી હતી.