તા. 15 ઓગસ્ટે અકસ્માતમાં ગંભીર રીતે ઘાયલ થયેલા પવનકુમારને તા. 16 ઓગસ્ટે સુરત સિવિલ હોસ્પિટલમાં સારવાર માટે ખસેડવામાં આવ્યા હતા. તા. 18 ઓગસ્ટે તબીબોની ટીમે તેમને બ્રેઈન ડેડ જાહેર કર્યા હતા.તબીબો અને કાઉન્સેલરોએ પરિવારજનોને અંગદાનનું મહત્વ સમજાવતાં પત્ની સુષ્માબેન સહિત પરિવારજનોએ ભારે હૈયે અંગદાન માટે સંમતિ આપી હતી.
મુખ્યમંત્રીએ જણાવ્યું હતું કે ગુજરાત વહીવટ, શિક્ષણ, આરોગ્ય, કૃષિ અને જનસેવા સહિતના ક્ષેત્રોમાં AIના ઝડપી અમલીકરણ માટે પ્રતિબદ્ધ છે. તેમણે કહ્યું કે AI માત્ર ટેકનોલોજી નહીં, પરંતુ વિકાસને નવી ગતિ આપવાનું શક્તિશાળી સાધન છે.મુખ્યમંત્રીએ GIFT Cityની વિકાસગાથા રજૂ કરતાં જણાવ્યું હતું કે તેને આગામી તબક્કામાં ફાઇનાન્સ, ટેકનોલોજી, ફિનટેક, AI, ડેટા અને ઇનોવેશનની સંકલિત વૈશ્વિક ઇકોસિસ્ટમ તરીકે વિકસાવવાની દિશામાં ગુજરાત આગળ વધી રહ્યું છે.
સર્વોચ્ચ અદાલતે તાજેતરમાં દિલ્હીમાં વિરોધ પ્રદર્શન કરી રહેલા વિદ્યાર્થીઓ પર પોલીસ અને સુરક્ષા કર્મચારીઓ દ્વારા જરૂરિયાત કરતાં વધુ બળપ્રયોગ કરવા તેમજ પોલીસ કર્મચારીઓ સામે હિંસાના આરોપોની તપાસ માટે પૂર્વ ન્યાયમૂર્તિ આર. સુભાષ રેડ્ડીની અધ્યક્ષતામાં પાંચ સભ્યોની ઉચ્ચાધિકાર સંપન્ન તપાસ સમિતિની રચના કરી છે.
સુપ્રીમ કોર્ટની ખંડપીઠે શું કહ્યું ?
ગુજરાતના મુખ્યમંત્રી ભૂપેન્દ્ર પટેલે તેમના અમેરિકા અને કેનેડાના પ્રવાસ અંતર્ગત વોશિંગટન DCમાં વોલમાર્ટના એક્ઝિક્યુટિવ વાઇસ પ્રેસિડેન્ટ ડેન બ્રાયન્ટ સાથે ખાસ મુલાકાત કરી હતી. આ બેઠકમાં ગુજરાતના વિશાળ MSME સેક્ટરની નિકાસ તકો વધારવા અને ગુણવત્તા સુધારણા અંગે સકારાત્મક ચર્ચાઓ કરવામાં આવી હતી.
ગુજરાતના MSME ઉદ્યોગોને વૈશ્વિક સ્તરે લઈ જવા પરામર્શ
કેન્દ્રીય સંસદીય બાબતોના મંત્રી કિરેન રિજિજુએ અરુણાચલ પ્રદેશમાં "ચીન તરફથી ઘૂસણખોરી"ના તાજેતરના દાવાઓને ફગાવી દીધા અને કહ્યું કે, સરહદી વિસ્તારો પહેલા અવગણવામાં આવતા હતા, પરંતુ હવે પ્રધાનમંત્રી નરેન્દ્ર મોદીના નેતૃત્વ હેઠળની સરકારની "ટોચની પ્રાથમિકતા" છે.
કેન્દ્રીય મંત્રીએ 2013માં સંસદમાં ભૂતપૂર્વ સંરક્ષણ પ્રધાનના નિવેદનનો પણ ઉલ્લેખ કર્યો
ભારત અને નાઇજીરીયા વચ્ચે નૌકાદળ સહયોગને મજબૂત બનાવવાના હેતુથી મહત્વપૂર્ણ નૌકાદળ સંવાદ યોજાયો હતો. ભારત-નાઇજીરીયા નૌકાદળ સબ-ગ્રુપની આ ત્રીજી બેઠક હતી. આ સંવાદ 18થી 20 ઓગસ્ટ દરમિયાન નવી દિલ્હીમાં યોજાયો હતો. આ બેઠકમાં બંને નૌકાદળ વચ્ચે દ્વિપક્ષીય સહયોગની પ્રગતિની સમીક્ષા કરવામાં આવી હતી અને ભવિષ્યમાં સહયોગના નવા ક્ષેત્રો પર વિગતવાર ચર્ચા કરવામાં આવી હતી.
સુપ્રીમ કોર્ટમાં મહત્ત્વપૂર્ણ વિષય પર સુનાવણી કરવામાં આવી... એક જાહેર હિતની અરજી પર સુનાવણી કરતી વખતે સુપ્રીમ કોર્ટે કહ્યું કે, આજકાલ બાળકો મોબાઈલ ફોન અને ઇલેક્ટ્રોનિક ઉપકરણોમાં વધુને વધુ ડૂબી રહ્યા છે. તેથી, બાળકો માટે શારીરિક પ્રવૃત્તિ ખૂબ જ મહત્વપૂર્ણ છે.
કોર્ટ ભારતીય બંધારણના ભાગ IIIની કલમ 21A હેઠળ રમતગમતને મૂળભૂત અધિકાર જાહેર કરવાની માંગ કરતી અરજી પર સુનાવણી કરી રહી હતી. કોર્ટ દ્વારા નિયુક્ત એમિકસ ક્યુરીએ કહ્યું કે, દરેક શાળામાં શારીરિક પ્રવૃત્તિ ફરજિયાત હોવી જોઈએ. સુપ્રીમ કોર્ટે એમિકસના અહેવાલ પર અરજદાર પાસેથી જવાબ માંગ્યો છે. આ કેસમાં આગામી સુનાવણી 22 સપ્ટેમ્બરે થશે.
કેન્દ્ર સરકારના ટેલિકોમ્યુનિકેશન વિભાગે ટેલિકોમ કંપનીઓને નિર્દેશ આપ્યો છે... નિર્દેશ મુજબ, તેઓ કોઈપણ ગ્રાહક માટે પ્રતિ ગ્રાહક નવ સિમની મહત્તમ મર્યાદા ઓળંગે નહીં.
સરકારી પરિપત્રમાં કહેવામાં આવ્યું કે, "24 ઓગસ્ટથી TSPs (ટેલિકોમ સેવા પ્રદાતાઓ) નિર્ધારિત મર્યાદા કરતાં વધુ મોબાઇલ કનેક્શન મેળવવા માંગતા દરેક ગ્રાહકને ઓળખવા માટે જરૂરી તકનીકી અને સંગઠનાત્મક પગલાં લેશે. તેઓ તેમને જાણ કરશે કે, તેમની પાસે પહેલાથી જ પ્રતિ વ્યક્તિ મહત્તમ મોબાઇલ કનેક્શનની મંજૂરી છે અને તેથી, તેમને નવું મોબાઇલ કનેક્શન આપી શકાશે નહીં."
સુરતની સરકારી મેડિકલ કોલેજ ખાતે માઇક્રોબાયોલોજી વિભાગના પ્રથમ વર્ષના રેસિડેન્ટ ડૉક્ટર સ્વ. ડૉ. હર્ષ પડ્યા રેગિંગનો ભોગ બનવાની અત્યંત ગંભીર અને દુઃખદ ઘટના બની.... આ ગંભીર ઘટનાને રોકવામાં તેમજ પોતાની શિસ્તબદ્ધ ક્ષમતા અને ફરજ બજાવવામાં ગંભીર નિષ્કાળજી દાખવવા બદલ, આરોગ્ય મંત્રી પ્રફુલ પાનશેરીયાની કડક સૂચનાથી આરોગ્ય અને પરિવાર કલ્યાણ વિભાગ દ્વારા માઇક્રોબાયોલોજી વિભાગના વર્ગ-1ના પ્રાધ્યાપક ડૉ.સુમૈયા મુલ્લાને તત્કાલ અસરથી 90 દિવસ માટે સેવામાંથી ફરજમોકૂફ (સસ્પેન્ડ) કરવાનો નિર્ણય લેવાયો છે.
ભારતમાં 12મી BRICS સંચાર મંત્રીઓની બેઠકનું આયોજન કરશે. આ બેઠકમાં માહિતી અને સંચાર ટેકનોલોજી, ડિજિટલ પરિવર્તન, નવીનતા અને મજબૂત ડિજિટલ માળખાગત સુવિધાઓના ક્ષેત્રોમાં સહયોગ વધારવા પર ચર્ચા કરવામાં આવશે.
આ બેઠક ભારતના BRICS અધ્યક્ષપદ હેઠળ ‘Building for Resilience, Innovation, Cooperation and Sustainability’ અને ITC ટ્રેક ‘Innovate, Cooperate and Transform (ICT) for a Resilient Future’ની થીમ હેઠળ યોજાઈ રહી છે.
