રાજ્યપાલએ જણાવ્યું હતું કે જીવનમાં બનેલી નાની ઘટના પણ વ્યક્તિને પ્રેરણા આપી માનવ કલ્યાણ અને સમાજસેવાનું માધ્યમ બની શકે છે. તેમણે ભારતીય સંસ્કૃતિના ‘વસુધૈવ કુટુમ્બકમ્’ના વિચારને યાદ કરાવી સમાજના વંચિત વર્ગના આંસુ લૂછવા અને રાષ્ટ્રસેવામાં યોગદાન આપવાનું આહ્વાન કર્યું હતું.તેમણે કહ્યું કે માણસે માત્ર પોતાના વિકાસ પૂરતો સીમિત ન રહેતા માનવ કલ્યાણ અને રાષ્ટ્રનિર્માણમાં યોગદાન આપવું જોઈએ. ધનની ત્રણ ગતિ—દાન, ભોગ અને નાશ—માં જરૂરિયાતમંદને કરવામાં આવતું દાન શ્રેષ્ઠ છે.

તેમની ફિલ્મના પ્રસ્તાવને આ મહિનાની શરૂઆતમાં પ્રતિષ્ઠિત ‘સુપરફેસ્ટ ડિસેબિલિટી ફિલ્મ ફેસ્ટિવલ’ની સંચાલક સમિતિએ મંજૂરી આપી છે. ફિલ્મનું 2028માં મહોત્સવમાં પ્રદર્શન થવાનું નિર્ધારિત છે.પવન દિવ્યાંગ વ્યક્તિઓ પ્રત્યે સમાજમાં આદર, ગરિમા અને વિશ્વાસની ભાવના વિકસે તે હેતુથી ફિલ્મ બનાવવા માગે છે. હાલમાં તેઓ ફિલ્મના પટકથા લેખન સાથે નિર્માતા અને આર્થિક સહાયની શોધમાં છે.આંધ્ર પ્રદેશના એલુરુ જિલ્લાના પવનને ચાર વર્ષની ઉંમરે વીજળીનો ગંભીર આંચકો લાગ્યો હતો, જેના કારણે તેમનો જમણો હાથ કાપવો પડ્યો હતો અને ખોપરીમાં થયેલી ઈજાને કારણે પ્લાસ્ટિક સર્જરી કરાવવી પડી હતી.

આરોગ્ય મંત્રી પ્રફુલ પાનશેરીયાએ પીડિત મહિલા તબીબ સાથે ટેલિફોનિક વાતચીત કરી ત્વરિત ન્યાય અને સંપૂર્ણ સુરક્ષાની ખાતરી આપી હતી.આરોગ્ય મંત્રીએ જણાવ્યું કે, મહિલા કર્મચારીઓ અને તબીબોના ગૌરવ તથા સન્માન સાથે કોઈપણ પ્રકારનું સમાધાન કરવામાં આવશે નહીં. ગેરવર્તણૂકના કિસ્સામાં દોષિત ઠરનાર સામે કડકમાં કડક કાર્યવાહી કરવામાં આવશે.

આ માટે સરકાર દ્વારા રૂ. 89.70 લાખની આરોગ્ય સહાય પૂરી પાડવામાં આવી છે.જૂન 2026 સુધીમાં જિલ્લામાં NFSA રેશનકાર્ડ ધરાવતા 7.87 લાખથી વધુ નાગરિકોને આરોગ્ય વીમા કવચ હેઠળ આવરી લેવામાં આવ્યા છે. ઉપરાંત, 70 વર્ષથી વધુ વયના 48,457 વરિષ્ઠ નાગરિકોને આયુષ્માન ભારત–આયુષ્માન વય વંદના યોજના હેઠળ આવરી લેવાયા છે.આ યોજના હેઠળ આશા બહેનો, આંગણવાડી કાર્યકરો તેમજ રાજ્ય સરકારના વર્ગ-3 અને વર્ગ-4ના કર્મચારીઓને પણ આરોગ્ય સુરક્ષા આપવામાં આવી છે.

ધાર્મિક માન્યતા મુજબ ભગવાન શ્રીરામે રાવણ વિધ પછી બ્રહ્મહત્યાના પાપમાંથી મુક્તિ મેળવવા અહીં શિવલિંગની સ્થાપના કરી હતી.મંદિરના ગર્ભગૃહમાં રામલિંગમ ઉપરાંત ભગવાન હનુમાન કૈલાસથી લાવેલા વિશ્વલિંગમની પણ પૂજા થાય છે. પરંપરા મુજબ સૌપ્રથમ વિશ્વલિંગમની પૂજા કરવામાં આવે છે.

જિલ્લા કલેક્ટર ગંગા સિંઘના માર્ગદર્શન હેઠળ જિલ્લા વહીવટી તંત્ર, જિલ્લા શિક્ષણ વિભાગ અને રોજગાર વિનિમય કચેરીના સંયુક્ત ઉપક્રમે યોજાયેલા સેમિનારમાં વિદ્યાર્થીઓને ધોરણ 10 અને 12 પછીના અભ્યાસક્રમો, સરકારી નોકરીઓ, સ્પર્ધાત્મક પરીક્ષાઓ અને વિવિધ કારકિર્દી વિકલ્પો અંગે માર્ગદર્શન આપવામાં આવ્યું હતું.પ્રાઈડ કેરિયર એકેડેમી, સુરતના જગદીશભાઈ બરવાળીયાએ સ્પર્ધાત્મક પરીક્ષાઓની તૈયારી, અભ્યાસક્રમ અને પરીક્ષા પદ્ધતિ અંગે માહિતી આપી હતી.

તાલીમમાં કર્મચારીઓને નાગરિક કેન્દ્રિત, સંવેદનશીલ અને ગુણવત્તાસભર સેવા પૂરી પાડવા અંગે માર્ગદર્શન આપવામાં આવ્યું હતું. કર્મચારીઓની કાર્યક્ષમતા, પારદર્શિતા, જવાબદારી અને સેવા ભાવના વધારવા માટે વ્યક્તિત્વ વિકાસ, અસરકારક સંવાદ, સમયમર્યાદામાં કામગીરી, ટીમભાવના અને પારદર્શક વહીવટ જેવા વિષયો પર તાલીમ અપાઈ હતી.માસ્ટર ટ્રેનર્સ દ્વારા પાવરપોઈન્ટ પ્રેઝન્ટેશન, જૂથ ચર્ચા, પ્રશ્નોત્તરી અને વ્યવહારુ ઉદાહરણો દ્વારા કર્મચારીઓને કાર્યસ્થળે અસરકારક કામગીરી માટે માર્ગદર્શન આપવામાં આવ્યું હતું.

તેમાં પાવાગઢ ખાતે 23.43 લાખ, અંબાજી ખાતે 15.58 લાખ અને ગિરનાર ખાતે 8.31 લાખથી વધુ યાત્રાળુઓનો સમાવેશ થાય છે.જૂનાગઢનો 2.12 કિલોમીટર લાંબો ગિરનાર રોપ-વે વિશ્વના સૌથી લાંબા રોપ-વે પૈકીનો એક છે. વડાપ્રધાન નરેન્દ્ર મોદીએ ઓક્ટોબર 2020માં તેનું ઉદ્ઘાટન કર્યું હતું. રોપ-વેના 31 કેબિન દ્વારા પ્રતિ કલાક આશરે 1,000 મુસાફરોનું પરિવહન થાય છે અને આશરે 9 મિનિટની મુસાફરી દરમિયાન ગિરનાર પર્વતના મનોહર દૃશ્યોનો આનંદ માણી શકાય છે.

આ સહાયમાં દવાઓ અને તબીબી સાધનો, અસ્થાયી આશ્રય માટેની સામગ્રી, સ્વચ્છતા સામગ્રી તેમજ અન્ય જરૂરી રાહત સામગ્રીનો સમાવેશ થાય છે. વિદેશમંત્રી ડૉ. એસ. જયશંકરે આ મુસીબતના સમયમાં કોલંબિયાની જનતા સાથે ભારતની એકતા વ્યક્ત કરી હતી.

પ્રધાનમંત્રી મોદીએ જાપાનને ‘મેક ઇન ઇન્ડિયા’ અંતર્ગત ભારતીય કંપનીઓ અને સ્ટાર્ટઅપ્સ સાથે સંરક્ષણ ક્ષેત્રે સહ-વિકાસ અને સહ-ઉત્પાદન માટે ભાગીદારી કરવા આમંત્રણ આપ્યું હતું. તેમણે હિંદ-પ્રશાંત ક્ષેત્ર સહિત સમગ્ર વિશ્વમાં શાંતિ, સ્થિરતા અને સમૃદ્ધિ માટે ભારત-જાપાનના સંરક્ષણ અને સુરક્ષા સહયોગના મહત્વ પર ભાર મૂક્યો હતો.