ચૂંટણીપંચે મહત્ત્વપૂર્ણ માહિતી જાહેર કરી... ચૂંટણીપંચે કહ્યું કે, સ્પેશિયલ ઇન્ટેન્સિવ રિવિઝન જેવા અભિયાનોને કારણે મતદાનમાં વધારો થયો છે. ચૂંટણીપંચ દ્વારા જાહેર કરાયેલા આંકડા અનુસાર, ઘણા રાજ્યોમાં સ્વતંત્રતા પછી યોજાયેલી પ્રથમ ચૂંટણીઓની તુલનામાં મતદાનની ટકાવારી અને કુલ મતદાનમાં નોંધપાત્ર વધારો નોંધાયો છે. ચૂંટણીપંચે કહ્યું કે, મતદાર યાદીઓના સ્પેશિયલ ઇન્ટેન્સિવ રિવિઝન જેવા અભિયાનોએ આ પ્રક્રિયામાં મુખ્ય ભૂમિકા ભજવી છે.
US અને UAEએ પ્રાદેશિક સુરક્ષા પર તેમના રાજદ્વારી સંકલનને મજબૂત બનાવ્યું છે. US સેક્રેટરી ઓફ સ્ટેટ માર્કો રુબિયો અને UAEના રાષ્ટ્રીય સુરક્ષા સલાહકાર શેખ તહનૌન બિન ઝાયેદ અલ નાહ્યાન વચ્ચે એક મહત્વપૂર્ણ ફોન વાતચીત થઈ.
વોશિંગ્ટન અને અબુ ધાબી વચ્ચે સતત સંકલન અંગે પણ ચર્ચા
કેન્દ્રીય શ્રમ અને રોજગાર મંત્રી ડૉ. મનસુખ માંડવિયાએ જનપ્રતિનિધિઓને ‘લોકસેવક’ બની શ્રેષ્ઠ વહીવટ અને કામગીરી કરવા અપીલ કરી હતી.તેમણે જણાવ્યું હતું કે જનપ્રતિનિધિઓએ માત્ર રોડ, પાણી જેવી માળખાકીય કામગીરી પૂરતી સીમિત ન રહી, પરંતુ સ્વચ્છતા, આરોગ્ય, નશામુક્તિ અને પર્યાવરણ અંગે જનજાગૃતિના કાર્યો પણ કરવા જોઈએ. ગામમાં નિયમિત બેઠકો યોજી ‘મારું ગામ, આદર્શ ગ્રામ’ના સૂત્રને સાકાર કરવા તેમણે આહ્વાન કર્યું હતું.અતિવૃષ્ટિ દરમિયાન ખેડૂતોને રાહત આપવા રાજ્ય સરકારે ₹10 હજાર કરોડનું પેકેજ જાહેર કરી સમયસર સહાય ચૂકવી હોવાનું તેમણે જણાવ્યું હતું.
બેઠકમાં ખાસ કરીને ઈમરજન્સી સેવા 112 અને તેના રિસ્પોન્સ ટાઈમની કામગીરીની વિસ્તૃત સમીક્ષા કરવામાં આવી હતી. નાગરિકોને કટોકટીના સમયે ઝડપી અને સમયસર પોલીસ સહાય મળી રહે તે માટે રિસ્પોન્સ ટાઈમ ઘટાડવા પર ભાર મૂકાયો હતો.પોલીસ વાહનો અને ડ્રાઈવરોની પૂરતી ઉપલબ્ધતા સુનિશ્ચિત કરવા તેમજ બંધ પડેલા વાહનોનું તાત્કાલિક સમારકામ કરવા સૂચના આપવામાં આવી હતી. 112 સેવાના સ્ટાફની યોગ્ય હાજરી અને રજા મંજૂરી દરમિયાન કંટ્રોલ રૂમ સાથે સંકલન જાળવવા પણ નિર્દેશ અપાયો હતો.રાજ્ય પોલીસ વડાએ 112 સેવાની કામગીરીનું સતત મોનિટરિંગ કરી જરૂરી સુધારાત્મક પગલાં લેવા અધિકારીઓને માર્ગદર્શન આપ્યું હતું.
ભારત સરકારના MyGov પ્લેટફોર્મ પર યોજાઈ રહેલી આ સ્પર્ધામાં તમામ વયજૂથના નાગરિકો તેમજ સરકારી અધિકારીઓ અને કર્મચારીઓ ભાગ લઈ શકશે.સહભાગીઓ વડનગરના ઐતિહાસિક સ્મારકો, સાંસ્કૃતિક પરંપરા, પ્રવાસન સ્થળો, આધુનિક માળખાકીય સુવિધાઓ અને વિકાસલક્ષી પહેલોને આવરી લેતી 30થી 60 સેકન્ડની રીલ બનાવી શકશે. વીડિયોનું રિઝોલ્યુશન ઓછામાં ઓછું 720p હોવું જરૂરી છે અને રીલ ગુજરાતી, હિન્દી અથવા અંગ્રેજી ભાષામાં બનાવી શકાશે.
પાટણ શહેરના જૂના ગંજ બજાર વિસ્તારમાં આવેલી મે. તન્ના ટ્રેડર્સ ખાતે તપાસ દરમિયાન વેચાણ માટે રાખવામાં આવેલી લાલ ચટણી શંકાસ્પદ જણાતાં ફૂડ સેફ્ટી ઓફિસર દ્વારા તેનો નમૂનો લેવામાં આવ્યો હતો.આશરે ₹20,340ની કિંમતનો 678 કિલો જથ્થો સ્થળ પર જ સીઝ કરવામાં આવ્યો હતો. લેવામાં આવેલ નમૂનો નિયમ મુજબ લેબોરેટરી પરીક્ષણ માટે મોકલવામાં આવ્યો છે. રિપોર્ટ મળ્યા બાદ નિયમોનુસાર આગળની કાયદેસરની કાર્યવાહી કરવામાં આવશે.
વિદ્યાસભા ગજેરા સંકુલ ખાતે યોજાયેલા ‘નશામુક્ત ભારત’ કાર્યક્રમમાં તેમણે અધ્યક્ષસ્થાનેથી બાળકો સાથે સંવાદ કરી બાળ અધિકારો તથા બાળકોને લગતા કાયદાઓ અંગે માર્ગદર્શન આપ્યું હતું. તેમણે ગર્લ્સ હોસ્ટેલ, બોયઝ હોસ્ટેલ અને રસોડાની પણ મુલાકાત લઈ સુવિધાઓનું નિરીક્ષણ કર્યું હતું.ત્યારબાદ તેમણે પ્રતાપપરા ખાતેના સરકારી ચિલ્ડ્રન હોમ અને અમરેલીના બાળ સંભાળ ગૃહની મુલાકાત લઈ બાળકો સાથે સંવાદ કર્યો હતો. સંસ્થાઓમાં સ્વચ્છતા, માળખાકીય સુવિધાઓ અને જુવેનાઈલ જસ્ટિસ એક્ટ મુજબની વ્યવસ્થાઓની પણ સમીક્ષા કરી હતી.
ભાવનગર મહાનગરપાલિકાના સહયોગથી કુંભારવાડા વિસ્તારમાં સ્થાપિત આ પ્લાન્ટમાં વનસ્પતિ, સૂક્ષ્મજીવો અને ઇલેક્ટ્રો-એક્ટિવ ટેક્નોલોજીના સમન્વયથી ગંદા પાણીનું શુદ્ધિકરણ કરવામાં આવે છે. આ સિસ્ટમમાં એનારોબિક ઝોન, મીડિયા ફિલ્ટરેશન, ઇલેક્ટ્રો-એક્ટિવ વેટલેન્ડ, કેન્ના ઇન્ડિકા આધારિત કુદરતી શુદ્ધિકરણ અને પોલિશિંગ ઝોન એમ પાંચ તબક્કામાં પાણી શુદ્ધ થાય છે.ન્યૂનતમ વીજળી અને ઓછા જાળવણી ખર્ચે કાર્યરત આ પદ્ધતિ બ્લેક વોટર અને ગ્રે વોટરના શુદ્ધિકરણ માટે ઉપયોગી છે. તેની કાર્યક્ષમતા 15 વર્ષથી વધુ સમય સુધી જળવાઈ રહેવાની શક્યતા છે.આ ટેક્નોલોજી દ્વારા શુદ્ધ થયેલા પાણીનો ખેતી અને બાગાયત ક્ષેત્રે પુનઃઉપયોગ કરી શકાય છે.
ઘટનાની જાણ થતાં આરોગ્ય મંત્રી પ્રફુલ પાનશેરીયાએ જિલ્લા આરોગ્ય અધિકારી અને SMCના અધિકારીઓ સાથે વીડિયો કોન્ફરન્સ યોજી સમગ્ર ઘટનાની માહિતી મેળવી હતી. તેમણે અસરગ્રસ્ત પરિવારને યોગ્ય સારવાર મળી રહે તે માટે સતત દેખરેખ રાખવા સૂચના આપી હતી.આરોગ્ય મંત્રીએ મૃતક બાળકીના પરિવારજનો સાથે ટેલિફોનિક વાતચીત કરી સાંત્વના પાઠવી હતી. સાથે જ પોસ્ટમોર્ટમ રિપોર્ટ બાદ જરૂરી કાર્યવાહી કરવા અને જવાબદાર શીતલ રેસ્ટોરન્ટને તાત્કાલિક સીલ કરવા સૂચના આપી હતી.રાજ્યની તમામ રેસ્ટોરન્ટમાં સ્વચ્છતા, હાઈજિન અને ફૂડ સેફ્ટીના નિયમોનું કડક પાલન થાય તે માટે પણ આરોગ્ય વિભાગને તકેદારી રાખવા આદેશ આપવામાં આવ્યો છે.
