બન્ની ગ્રાસલેન્ડના નાયબ વનસંરક્ષક નેવીલ ચૌધરીના જણાવ્યા મુજબ, કાળિયારને વિશેષ એમ્બ્યુલન્સ દ્વારા જામનગરથી કચ્છ લાવવામાં આવ્યા હતા. પૂરતી તબીબી તપાસ અને હેલ્થ સ્ક્રીનિંગ બાદ તેમને બન્નીના કુદરતી રહેઠાણમાં છોડવામાં આવ્યા હતા. નવા વાતાવરણમાં અનુકૂલન માટે બોમા અને સોફ્ટ રિલીઝ પદ્ધતિનો ઉપયોગ કરવામાં આવ્યો હતો.ચિત્તા માટે અનુકૂળ ઇકોસિસ્ટમ ઊભી કરવા બગડીયા વિસ્તારમાં 660 એકરમાં વિવિધ દેશી ઘાસનું વાવેતર કરવામાં આવી રહ્યું છે.
બુધાભાઈને 10 ઓગસ્ટે માર્ગ અકસ્માતમાં ગંભીર ઈજા થતાં અમદાવાદ સિવિલ હોસ્પિટલમાં સારવાર માટે ખસેડાયા હતા. 14 ઓગસ્ટે તબીબોએ તેમને બ્રેઈન ડેડ જાહેર કર્યા બાદ પરિવારના નિર્ણયથી તેમનાં હૃદય, લીવર અને બે કિડનીનું દાન કરવામાં આવ્યું હતું.દાનમાં મળેલું હૃદય યુ.એન. મહેતા હોસ્પિટલમાં જરૂરિયાતમંદ દર્દીમાં પ્રત્યારોપણ કરવામાં આવ્યું, જ્યારે લીવર અને બંને કિડની IKDRC ખાતે દર્દીઓમાં પ્રત્યારોપિત કરવામાં આવી હતી. આમ, ચાર દર્દીઓને નવજીવન મળ્યું છે.સિવિલ હોસ્પિટલના તબીબી અધિક્ષક ડૉ. રાકેશ જોશીના જણાવ્યા મુજબ, અત્યાર સુધીમાં સિવિલ હોસ્પિટલને 251 અંગદાતાઓ પાસેથી કુલ 1,079 અંગો અને પેશીઓનું દાન મળ્યું છે.
ઉત્તરાખંડના પવિત્ર કેદારનાથ ધામથી પૂજા-અર્ચના કરીને લાવવામાં આવેલા શિવલિંગને અહીં પ્રસ્થાપિત કરવામાં આવ્યું છે, જેનાથી ભક્તોને કેદારનાથ જેવી જ દિવ્ય અનુભૂતિ થાય છે.કેદારનાથ ધામની પ્રતિકૃતિ રૂપે સુંદર કોતરકામ અને શાંત પરિસર.સવાર-સાંજ આરતી, ઘંટનાદ અને વેદમંત્રોથી ભક્તિમય માહોલ.જે ભક્તો કેદારનાથ જઈ શકતા નથી, તેમના માટે આ મંદિર આશીર્વાદ સમાન છે.મંદિરની સ્વચ્છ અને શિસ્તબદ્ધ વ્યવસ્થા તથા આસપાસની હરિયાળી મુલાકાતીઓનું મન મોહી લે છે. અહીં દર્શન કરવાથી મનની વ્યથાઓ દૂર થઈને નવી ઊર્જા પ્રાપ્ત થાય છે.
અમરેલી જિલ્લાને રેલ્વે તંત્રની મોટી ભેટ મળી, અમરેલીના ચિતલમાં વંદે ભારત ટ્રેનનો સ્ટોપ મળતા આજે ઊર્જા રાજ્ય મંત્રી કૌશિક વેકરીયા અને સાંસદ ભરત સુતરીયાએ લીલીઝંડી આપીને વંદે ભારત ટ્રેઈનના વધામણા કર્યા.
અધ્યક્ષએ રાહ વિસ્તારના વિકાસકાર્યો માટે રૂ. 25 લાખની ગ્રાન્ટનો ચેક જિલ્લા કલેક્ટરને અર્પણ કર્યો હતો અને શ્રેષ્ઠ કામગીરી કરનાર અધિકારીઓ તથા કર્મચારીઓનું સન્માન કર્યું હતું.થરાદ ખાતે રૂ. 52 કરોડના ખર્ચે નવી સિવિલ હોસ્પિટલ, રૂ. 70.71 કરોડના ખર્ચે જિલ્લા સેવા સદન તેમજ નર્મદા કેનાલના પાણીથી તળાવો ભરવા રૂ. 2350 કરોડના ખર્ચની યોજનાઓની કામગીરી પ્રગતિમાં હોવાનું જણાવ્યું હતું.અધ્યક્ષએ યુવાનો અને નાગરિકોને પાણીનું જતન કરવા, નશામુક્ત સમાજ બનાવવા અને વર્ષ 2047 સુધીમાં વિકસિત ભારતના નિર્માણમાં યોગદાન આપવા આહ્વાન કર્યું હતું.
આ પ્રસંગે, સેના, વાયુસેના અને કેન્દ્રીય દળોએ શુભેચ્છાઓ પાઠવી છે. સોશિયલ મીડિયા પ્લેટફોર્મ 'X' પર પોસ્ટ કરતા, ભારતીય સેનાએ લખ્યું, "80મા સ્વતંત્રતા દિવસ પર, ચાલો આપણે સ્વતંત્રતાની ભાવના અને તે શક્ય બનાવનારા બલિદાનોને સલામ કરીએ. ત્રિરંગો હંમેશા ઉંચો રહે અને આપણી એકતા અડગ રહે. સ્વતંત્રતા દિવસની હાર્દિક શુભેચ્છાઓ!"ભારતીય સેના દ્વારા સોશિયલ મીડિયા પર આર્મી ચીફ જનરલ ધીરજ સેઠનો સંદેશ પણ શેર કરવામાં આવ્યો હતો. તેમના સંદેશમાં, આર્મી ચીફે લખ્યું, "80મા સ્વતંત્રતા દિવસના આ શુભ પ્રસંગે, હું ભારતીય સેના વતી મારા તમામ દેશવાસીઓને હાર્દિક શુભેચ્છાઓ પાઠવું છું."
રાજ્યપાલએ દેશવાસીઓને રાષ્ટ્રહિતને સર્વોપરી રાખીને ઈમાનદારી, કઠોર પરિશ્રમ અને સનિષ્ઠ સેવા-ભાવથી સામાજિક તથા રાષ્ટ્રીય કર્તવ્યોનું પાલન કરવા આહવાન કર્યું હતું.પ્રધાનમંત્રી મોદીના 'વિકસિત ભારત 2047 ના સંકલ્પને સાકાર કરવા માટે સૌ નાગરિકોને એકજૂથ થઈને પોતાનું સર્વોત્કૃષ્ટ યોગદાન આપવા વિનંતી કરી હતી.પર્યાવરણ અને પ્રકૃતિ સંવર્ધન: આ ગૌરવશાળી પ્રસંગે રાજ્યપાલએ લોકભવન પરિસરમાં વૃક્ષારોપણ કરીને પર્યાવરણ રક્ષણનો પ્રેરણાદાયી સંદેશ આપ્યો હતો.
વિકસિત ભારત 2047નું લક્ષ્ય આ પ્રસંગે તેમણે જણાવ્યું કે આ 80મો સ્વાતંત્ર્ય દિન માત્ર ઉજવણી નથી, પરંતુ આગામી 20 વર્ષના આયોજન માટેની મહાન પ્રેરણા છે.56 વિશિષ્ટ પ્રતિનિધિઓનું સન્માન વડોદરા જિલ્લામાં વિશિષ્ટ કામગીરી કરનાર કુલ 56 કર્મચારીઓ, ખેલાડીઓ અને નાગરિકોને પ્રશસ્તીપત્ર આપીને સન્માનિત કરવામાં આવ્યા હતા.રોજગારી અને જળ સંચય પર ભાર ગુજરાતમાં છેલ્લા 5 વર્ષમાં 7,403 મેગા રોજગાર ભરતીમેળાઓ દ્વારા 6.54 લાખથી વધુ યુવાનોને નોકરી પૂરી પાડવામાં આવી છે, તેમજ જળ-સંચય અને પૂર નિયંત્રણ માટે વ્યાપક કામગીરી કરાઈ છે.
રાજ્યના જુદા-જુદા 214 રસ્તાઓના 2010 કિલોમીટરના નવીનીકરણ અને સુધારણા માટે આ રકમ ફાળવવામાં આવશે, જેમાં કોન્ટ્રાક્ટરની મેન્ટેનન્સ લાયાબિલિટી 8 થી 10 વર્ષની રાખવામાં આવી છે.રાજ્યની આંગણવાડીઓમાં આવતા 16 લાખથી વધુ બાળકોના ગરમ પૂરક પોષક આહાર માટે અગાઉ અપાતા બાળક દીઠ રોજના રૂ. 5.10ના દરને વધારીને રૂ. 8.50 કરવામાં આવ્યો છે.વિદેશ અભ્યાસ લોનની આવક મર્યાદામાં વધારો: બિનઅનામત વર્ગોના યુવાઓને વિદેશ અભ્યાસ માટે ગુજરાત બિનઅનામત શૈક્ષણિક અને આર્થિક વિકાસ નિગમ દ્વારા આપવામાં આવતી લોન માટે પરિવારની વાર્ષિક આવક મર્યાદા રૂ. 6 લાખથી વધારીને રૂ. 10 લાખ કરવામાં આવી છે.
ધ્વજવંદન સમારોહ પછીના 13મા સ્વતંત્રતા દિવસના સંબોધનમાં, વડા પ્રધાને પાઇપ ગેસ, સૌર ઉર્જા અને રેલ્વે વીજળીકરણ જેવા ક્ષેત્રોમાં છેલ્લા 12 વર્ષોમાં જોવા મળેલા પરિવર્તનો પર પ્રકાશ પાડ્યો. તેમણે નોંધ્યું કે જ્યારે કેટલાક લોકો કોવિડ-19 રોગચાળા અને યુદ્ધો જેવા વૈશ્વિક કટોકટી વચ્ચે રાષ્ટ્રને ડરાવવા અને જનતાને ભયભીત રાખવાનો પ્રયાસ કરી રહ્યા હતા, ત્યારે ભારતની પહેલાથી અસ્તિત્વમાં રહેલી નીતિઓ અને આત્મનિર્ભરતા (આત્મનિર્ભર ભારત) તરફ લેવામાં આવેલા પગલાંએ આ પડકારજનક સમયમાં દેશને શક્તિ આપી.
પાઇપ ગેસ કવરેજ 70 થી 700 શહેરોમાં વિસ્તર્યું
