સેનાએ સેંકડો કિલોમીટર દુશ્મનના ક્ષેત્રમાં પ્રવેશ કર્યો અને આતંકવાદી ઠેકાણાઓનો નાશ કર્યો અને ઇમારતોને ખંડેરમાં ફેરવી દીધી. પ્રધાનમંત્રી મોદીએ જણાવ્યું કે 22 એપ્રિલે પહેલગામમાં સરહદ પારથી આવેલા આતંકવાદીઓએ નિર્દોષ લોકોની હત્યા કરી. લોકોને તેમનો ધર્મ પૂછીને મારી નાખવામાં આવ્યા, પતિને પત્નીની સામે ગોળી મારી દેવામાં આવી અને પિતાને બાળકોની સામે ગોળી મારી દેવામાં આવી. આ ઘટનાથી આખો દેશ ગુસ્સે ભરાયો હતો અને દુનિયા પણ આક્રોશમાં હતી. 'ઓપરેશન સિંદૂર' આ આક્રોશનું પરિણામ હતું.

ફ્લાઈંગ ઓફિસર રસિકા શર્માએ ધ્વજ ફરકાવવામાં તેમની મદદ કરી હતી. ધ્વજ ફરકાવ્યા પછી, ભારતીય વાયુસેનાના બે Mi-17 હેલિકોપ્ટરમાંથી ફૂલોનો વરસાદ કરવામાં આવ્યો હતો . એક હેલિકોપ્ટરે રાષ્ટ્રધ્વજ અને બીજાએ 'ઓપરેશન સિંદૂર'નો ધ્વજ ફરકાવ્યો. આ હેલિકોપ્ટરોને વિંગ કમાન્ડર વિનય પુનિયા અને વિંગ કમાન્ડર આદિત્ય જયસ્વાલ દ્વારા ઉડાડવામાં આવ્યા હતા.

પ્રધાનમંત્રી મોદીએ સોશિયલ મીડિયા પ્લેટફોર્મ 'X' પર પોસ્ટ કરીને દેશવાસીઓને સ્વતંત્રતા દિવસની શુભેચ્છા પાઠવી. તેમણે લખ્યું, "સ્વતંત્રતા દિવસ પર આપ સૌને હાર્દિક શુભકામનાઓ. હું ઈચ્છું છું કે આ શુભ અવસર તમામ દેશવાસીઓના જીવનમાં નવો ઉત્સાહ અને નવી ઉર્જા લાવે, જેથી વિકસિત ભારતના નિર્માણને નવી ગતિ મળે. જય હિન્દ!"

ભગવાન શ્રી કૃષ્ણએ પોતાનું મહત્તમ જીવન જ્યાં વિતાવ્યું તેવી દ્વારકા નગરી કૃષ્ણના જન્મોત્સવ માટે તૈયાર છે. જે માટે આખું શહેર રોશનીથી શણગારેલું છે, અહીં જન્માષ્ટમીના દિવસે 3થી 4 લાખ મુલાકાતીઓ આવે છે. દ્વારકાધીશ મંદિર કે જે સામાન્ય રીતે સવારે 6 વાગ્યાથી રાત્રે 10 વાગ્યા સુધી ખુલ્લું રહે છે, તે 16 ઓગસ્ટના રોજ મધ્યરાત્રિથી 17 ઓગસ્ટના રોજ મધ્યરાત્રિ સુધી ખુલ્લું રહેશે. ભક્તોને કોઈ અગવડ ન પડે તે માટે પણ ખાસ વ્યવસ્થા કરવામાં આવી છે તેમજ ચુસ્ત પોલીસ બંદોબસ્ત કરવામાં આવ્યો છે..મંદિર ખાતે 6 ઝોનમાં પોલીસ તૈનાત રહેશે જેમાં 2 Dy.SP, 19 PI-PSI, 161 પોલીસ જવાનો મળીને કુલ 356 પોલીસનો બંદોબસ્ત રહેશે.

ભારતીય શેરબજાર આજે ગુરુવારે ફ્લેટ ખુલ્યું હતું. શરૂઆતના કારોબારમાં IT અને ફાર્મા શેરોમાં ખરીદી જોવા મળી. સેન્સેક્સ 0.15 ટકા વધીને 80,657 પોઈન્ટ પર પહોંચ્યો હતો. નિફ્ટી 50 ઈન્ડેક્સ 21 પોઈન્ટ અથવા 0.08 ટકા વધીને 24,638 પોઈન્ટ પર પહોંચ્યો હતો. વ્યાપક બજાર સૂચકાંકોમાં, BSE સ્મોલકેપ 0.12 ટકા અને BSE મિડકેપ 0.30 ટકા વધ્યો.

નિફ્ટી મેટલ 1.05% ઘટ્યો, નિફ્ટી આઇટી 0.76% અને નિફ્ટી ફાર્મા 0.93% વધ્યા

હવામાન વિભાગે ઉત્તરાખંડમાં ભારે વરસાદ અંગે ચેતવણી જારી કરી છે. વિભાગે ગુરુવારે રાજ્યના તમામ 13 જિલ્લાઓમાં ભારે વરસાદની આગાહી કરી છે. વહીવટીતંત્રે લોકોને મુસાફરી ટાળવા અને સાવધાની રાખવાની અપીલ કરી છે. નદીઓ અને નાળાઓના કિનારા નજીક જવાનું ટાળવાની સલાહ આપવામાં આવી છે. 

દેહરાદૂન, ટિહરી, પૌરી, હરિદ્વાર, નૈનીતાલ, બાગેશ્વર, ચંપાવત અને ઉધમ સિંહ નગર માટે રેડ એલર્ટ 

ભારતીય સેનાએ હિમાચલ પ્રદેશમાં નાગરિકોને બચાવવા માટે અદમ્ય હિંમત દર્શાવી હતી. મળતી માહિતી મુજબ, અંધકાર, મજબૂત પ્રવાહો અને અસ્થિર ભૂપ્રદેશ વચ્ચે સેનાના ઝડપી પ્રતિભાવને કારણે દુર્ઘટના ટળી ગઈ. હકીકતમાં, હિમાચલ પ્રદેશના પર્વતીય કિન્નૌર જિલ્લામાં હોજિસ લુંગપા નાલા ભારે વરસાદને કારણે પૂરમાં હતો.

આ ઘટના બુધવારે સાંજે 7 વાગ્યાની આસપાસ બની હતી. ઋષિ ડોગરી ખીણના ઊંચાણવાળા વિસ્તારોમાં વાદળ ફાટવાથી આવેલા પૂરમાં સતલુજ નદી પરનો પુલ વહી ગયો હતો અને એક વ્યક્તિ ઘાયલ થયો હતો. એવું નોંધાયું હતું કે, આ સ્થળ CPWD હેઠળ ગંગથાંગ બ્રાલમ તરફ સક્રિય રોડ બાંધકામ ક્ષેત્ર હતું.

ભારતના રાષ્ટ્રપતિ દ્રોપદી મૂર્મૂ સ્વાતંત્ર્ય પર્વની પુર્વ સંધ્યાએ દેશને સંબોધન કરશે. આ સંબોધન આજે સાંજે સાત વાગે આકાશવાણીના સંપુર્ણ નેટવર્ક પર પ્રસારિત થશે. દુરદર્શનની તમામ ચેનલ પર હિન્દી અને ત્યારબાદ અંગ્રેજી સંસ્કરણ પ્રસારિત થશે. દુરદર્શનની તમામ પ્રાદેશીક ચેનલ પર પ્રાદેશીક ભાષામાં સંબોધન પ્રસારીત થશે. આકાશવાણી રાત્રે સાડા નવ કલાકે પ્રાદેશીક ભાષામાં રાષ્ટ્રપતિના સંબોધને પ્રસારિત કરશે. 79મા સ્વાતંત્ર્ય પર્વની તાડામાર તૈયારીઓ ચાલી રહી છે.

પ્રધાનમંત્રી મોદી લાલ કિલ્લા પરથી ભાષણ આપશે

અમેરીકાના રાષ્ટ્રપતિ ડ઼ોનાલ્ડ ટ્રમ્પે રશિયાને ચેતવણી આપી છે. ડોનાલ્ડ ટ્રમ્પે કહ્યુ કે, જો રશીયા યુક્રેન સાથે ચાલી રહેલા સંધર્ષને અટકાવશે નહી તો તેણે ગંભીર પરિણામો ભોગવવા પડશે. કેનેડી સેન્ટરમાં પત્રકારો સાથે વાત કરતાં ટ્રમ્પે સ્પષ્ટ કર્યું કે જો રશિયા યુધ્ધ વિરામ માટે સહમત થતું નથી તો તેની સામે કડક પગલાં ભરવામાં આવશે. જેમાં ટેરીફ અને પ્રતિબંધ પણ હોય શકે છે. 15 ઓગસ્ટના રોજ અલાસ્કામાં ડોનાલ્ડ ટ્રમ્પ અને વ્લાદિમીર પુતિન વચ્ચે યોજાનારી બેઠક પહેલાં આ નિવેદન સામે આવ્યુ છે. ડોનાલ્ડ ટ્રમ્પે વધુમાં કહ્યું હતું કે જો પ્રથમ બેઠક સફળ રહેશે તો તેઓ બીજી બેઠક માટે પણ પ્રસ્તાવ રજુ કરશે.

આંતરરાષ્ટ્રીય યુવા દિવસના અવસર પર રોટરી ક્લબ ઓફ ભાવનગર વાયબ્રન્ટ દ્વારા રિજનલ સાયન્સ સેન્ટર ખાતે વૃક્ષારોપણ અભિયાનનો બીજો તબક્કો સફળતાપૂર્વક યોજાયો હતો. હરિયાળું ભવિષ્ય સર્જવાના ક્લબના સંકલ્પના ભાગરૂપે, વિસ્તારના વાતાવરણ અને પર્યાવરણને અનુકૂળ એવી 100 સ્થાનિક જાતિના રોપાઓ વાવવામાં આવ્યા હતા. આ કાર્યમાં પાલીતાણા શહેરની શાળાના 25 વિદ્યાર્થીઓએ પણ ભાગ લીધો હતો. યુવાનોની ઊર્જા અને જિજ્ઞાસાએ કાર્યક્રમને વધુ વિશિષ્ટ બનાવી દીધો હતો. ક્લબના સભ્યોએ, અધ્યક્ષ નમૃતા ચઢ્ઢાના નેતૃત્વ હેઠળ, કુદરતના સંરક્ષણ અને પૃથ્વીની રક્ષા અંગે જાગૃતિ ફેલાવવામાં આવી હતી.